റായ്പൂരിൽ നടന്ന ഇന്ത്യ- ഓസ്ട്രേലിയ ടി20 മത്സരത്തിൽ ഇന്ത്യ പരമ്പര സ്വന്തമാക്കിപ്പോൾ വിജയത്തോടൊപ്പം കാണികളിൽ ആവേശം ഉയർത്തിയ മറ്റൊരു കാര്യം കൂടി ഉണ്ട്. പരമ്പരയിലെ നാലാം മത്സരം വിജയിച്ചാണ് ഇന്ത്യ പരമ്പര സ്വന്തമാക്കിയത്. ഇതിന്റെ സന്തോഷം ഇന്ത്യൻ ആരാധകരെ പോലെ ഓസ്ട്രേലിയയിൽ നിന്നുള്ള ഒരു കാണിയിലും അലയടിക്കുന്നതാണ് ഇപ്പോൾ സമൂഹ മാദ്ധ്യമങ്ങളിൽ വൈറലാവുന്നത്.
നാലാം മത്സരത്തിൽ ഓസ്ട്രേലിയയെ പരാജയപ്പെടുത്തി ഇന്ത്യ 20 റൺസിന് ജയിച്ചപ്പോൾ ഇന്ത്യൻ ആരാധകരേക്കാൾ ആവേശത്തിലാണ് ഓസ്ട്രേലിയയുടെ ജേഴ്സി അണിഞ്ഞ ഒരു ക്രിക്കറ്റ് പ്രേമി. ഇന്ത്യൻ ആരാധകർക്കൊപ്പം ‘ ഭാരത് മാതാ കീ ജയ്, വന്ദേ മാതരം’ തുടങ്ങി മുദ്രാവാക്യങ്ങൾ വളരെ ആവേശത്തിൽ വിളിക്കുകയാണ് അദ്ദേഹം. ഇന്ത്യൻ ക്രിക്കറ്റ് ആരാധകരെക്കാൾ ആവേശത്തിൽ ഇന്ത്യയ്ക്ക് വേണ്ടി ജയ് വിളിച്ച അദ്ദേഹത്തിന്റെ വീഡിയോ നിമിഷനേരം കൊണ്ടാണ് സമൂഹമാദ്ധ്യമങ്ങളിൽ ഇടം പിടിച്ചത്.
Australian cricket fan chanting “Bharat Mata Ki Jay” & “Vande Mataram” at Raipur. 🇮🇳pic.twitter.com/BpWLloM40h
— Johns. (@CricCrazyJohns) December 2, 2023
മത്സരത്തിൽ ടോസ് നഷ്ടപ്പെട്ട് ആദ്യ ബാറ്റിംഗിന് ഇറങ്ങിയ ഇന്ത്യ നിശ്ചിത ഓവറിൽ 9 വിക്കറ്റ് നഷ്ടത്തിൽ 174 റൺസാണ് നേടിയത്. എന്നാൽ ഇന്ത്യ പടുത്തിയർത്തിയ റൺസ് മറികടക്കാൻ സാധിക്കാതെ കങ്കാരുപ്പട 154 റൺസിന് പുറത്താവുകയായിരുന്നു. സ്പിന്നർമാരായ അക്സർ പട്ടേലും രവി ബിഷ്ണോയിയും ചേർന്നാണ് ഇന്ത്യയെ വിജയത്തിലേക്ക് നയിച്ചത്.
