ന്യൂഡൽഹി : ബിജെപിയുടെ തെരഞ്ഞെടുപ്പ് വിജയം ആഘോഷിച്ച് നടി കങ്കണ റണാവത്ത് . മൂന്ന് സംസ്ഥാനങ്ങളിലെ ബിജെപിയുടെ വിജയം ആഘോഷിക്കുന്ന കങ്കണ റണാവത്ത് പ്രധാനമന്ത്രി നരേന്ദ്ര മോദിയുടെ ഫോട്ടോയാണ് ഇൻസ്റ്റാഗ്രാമിൽ പങ്കുവെച്ചത് . ‘ശ്രീരാമൻ എത്തി’ എന്നാണ് താരം മോദിയുടെ ചിത്രത്തിനൊപ്പം എഴുതിയിരിക്കുന്നത് .
അതേസമയം കങ്കണയുടെ പോസ്റ്റിനെ വിമർശിച്ച് ഇടത് ചിന്തകരുൾപ്പെടെ രംഗത്തെത്തിയെങ്കിലും ഗീതോപദേശം മറുപടിയായി നൽകിയാണ് കങ്കണ ഇവരുടെ വായടപ്പിച്ചത് . ശരിക്കും പ്രധാനമന്ത്രി മോദിയെ ഒരു ഹിന്ദു ദൈവവുമായി താരതമ്യം ചെയ്യുകയാണ്… ഇത് ഹിന്ദുമതത്തിൽ അനുവദനീയമാണോ?എന്നായിരുന്നു ചിലരുടെ ചോദ്യം .
എന്നാൽ ഇതിന് ‘അതെ, ഇത് അനുവദനീയമാണ്. ശ്രീകൃഷ്ണൻ ഗീതയിൽ പറഞ്ഞിട്ടുണ്ട്, ഞാനാണ് എന്റെ യഥാർത്ഥ ഭക്തൻ, അവനും ഞാനും തമ്മിൽ ഒരു വ്യത്യാസവുമില്ല, ഞങ്ങൾ വളരെ സ്നേഹവും സമാധാനപരവുമാണ്. തലവെട്ടരുത്, ചാട്ടവാറടി വേണ്ട, നിങ്ങളും ഞങ്ങളുടെ കൂട്ടത്തിലേക്ക് വരൂ. ‘ കങ്കണ റണാവത്ത് പറഞ്ഞു . ഒപ്പം എന്റെ ഉദ്ധരണിയുടെ അർത്ഥം മോദിജി ശ്രീരാമനെ അയോദ്ധ്യയിലേക്ക് കൊണ്ടുവന്നു എന്നാണ് അതിനാൽ പൊതുജനങ്ങളാണ് മോദിജിയെ കൊണ്ടുവന്നത്, എന്നാൽ നിങ്ങൾ മനസ്സിലാക്കുന്നതിലും തെറ്റില്ല. – എന്നും കങ്കണ കുറിച്ചു.
രാവണന്റെ അഹങ്കാരത്താൽ മായ്ക്കപ്പെടാത്ത സനാതൻ, കംസന്റെ ഗർജ്ജനത്തിൽ കുലുങ്ങാത്ത സനാതൻ, ബാബറിന്റെ ക്രൂരതയിൽ മായ്ക്കാത്ത സനാതൻ, എന്നിങ്ങനെയാണ് തിരഞ്ഞെടുപ്പ് ഫലം കണ്ട് കങ്കണ മറ്റൊരു ട്വീറ്റിൽ കുറിച്ചിരിക്കുന്നത്.
