തിരുവനന്തപുരം: മാറനല്ലൂരിൽ ഗുണ്ടാ വിളയാട്ടം വ്യാപക ആക്രമണത്തിൽ മാറനല്ലൂരിൽ റോഡ് സൈഡിൽ പാർക്ക് ചെയ്തിരുന്ന കാറ് ഉൾപ്പെടെ 20 വാഹനങ്ങൾ ഗുണ്ടകൾ അടിച്ചു തകർത്തു. കല്ലും മാരകായുധങ്ങളും ഉപയോഗിച്ചാണ് കാറുകൾ അടിച്ചു തകർത്തത്.
ഇന്നലെ രാത്രിയോടെയാണ് സംഭവം. മാറനല്ലൂർ പഞ്ചായത്തിലെ നാല് കിലോമീറ്റർ ചുറ്റളവിൽ റോഡിൽ പാർക്ക് ചെയ്യ്തിരുന്ന വാഹനങ്ങളാണ് തകർത്തത്. ഒരു വീടിന് നേരെയും ആക്രമണം അഴിച്ചുവിട്ടു. ഗുണ്ടാ ആക്രമണമെന്നാണ് പോലീസിന്റെ പ്രാഥമികമായ വിലയിരുത്തൽ. ആളപായമൊന്നും ഉണ്ടായിട്ടില്ല.
സംഭവത്തിൽ മൂന്നു പേരെ കസ്റ്റഡിയിലെടുത്ത് ചോദ്യം ചെയ്ത് വരികയാണെന്നും ഇവർ സിപിഎം പ്രാദേശിക നേതാക്കളാണെന്നും സൂചനയുണ്ട്. സമാനമായ രീതിയിൽ നിരവധി ഗുണ്ടാ ആക്രമണങ്ങൾ സമീപകാലത്ത് റിപ്പോർട്ട് ചെയ്യപ്പെട്ടിട്ടുണ്ട്. എന്നാൽ അക്രമികളെ പിടികൂടാൻ പോലീസ് കാര്യക്ഷമമായി ഇടപെടുന്നില്ലെന്നാണ് ആക്ഷേപം.
