കൊച്ചി: നെടുമ്പാശേരി വിമാനത്താവളത്തിൽ നിന്ന് ഇന്ത്യൻ കറൻസി പിടിച്ചെടുത്തു. മലേഷ്യയിലേക്ക് പോകാനെത്തിയ യാത്രക്കാരനിൽ നിന്നുമാണ് കറൻസി കണ്ടെടുത്തത്. തമിഴ്നാട് സ്വദേശി തിരുനാവക്കരശിൽ നിന്ന് 7,20,000 രൂപയുടെ ഇന്ത്യൻ കറൻസിയാണ് പിടിച്ചെടുത്തത്.
യാത്രക്കാരന്റെ ലഗേജ് പരിശോധനയിൽ സംശയം തോന്നി സി.ഐ.എസ്.എഫ് ഉദ്യോഗസ്ഥർ നൽകിയ വിവരത്തെ തുടർന്ന് കസ്റ്റംസാണ് ഇയാളെ പിടികൂടിയത്. ഇന്ത്യൻ കറൻസി എന്തിനു വേണ്ടിയാണ് മലേഷ്യയിലേക്ക് കടത്താൻ ശ്രമിച്ചതെന്നതുൾപ്പെടെയുളള കാര്യങ്ങളെ കുറിച്ച് ചോദ്യം ചെയ്തുവരികാണ് കസ്റ്റംസ്.