പ്രേമമെന്ന ഹിറ്റ് ചിത്രത്തിന് ശേഷം മലയാളികളുടെ പ്രിയപ്പെട്ട താരജോഡികൾ വീണ്ടും ഒരുമിക്കുന്നു. ആരാധകരുടെ പ്രിയപ്പെട്ട താരങ്ങളായ നിവിൻ പോളിയും സായ് പല്ലവിയുമാണ് പുതിയ മലയാള സിനിമയിൽ ഒന്നിക്കുന്നത്. എട്ട് വർഷത്തിന് ശേഷമാണ് ഇരുവരും വീണ്ടും ഒരു സിനിമയിൽ ഒരുമിച്ചെത്തുന്നത്. സിനിമയെ സംബന്ധിക്കുന്ന കൂടുതൽ വിവരങ്ങൾ അണിയറ പ്രവർത്തകർ ഉടൻ പുറത്തുവിടും.
2015 ലായിരുന്നു പ്രേമം റിലീസ് ചെയ്തത്. അൽഫോൺസ് പുത്രൻ സംവിധാനം ചെയ്ത ചിത്രത്തിലെ പ്രധാന കഥാപാത്രങ്ങളിൽ ഒരാളെ അവതരിപ്പിച്ചത് സായ് പല്ലവി ആയിരുന്നു. പുതിയ സിനിമയെ സംബന്ധിച്ച വാർത്തകൾ നേരത്തെ തന്നെ പുറത്തു വന്നിരുന്നു. ആരാധകർ വളരെ ആവേശത്തോടെയായിരുന്നു വാർത്ത ഏറ്റെടുത്തിരിക്കുന്നത്.