ടി20 ലോകകപ്പ് അടുത്തിരിക്കെ വിരമിക്കൽ പിൻവലിച്ച് ദേശീയ ടീമിലേക്ക് മടങ്ങാൻ കൊതിച്ച് സൂപ്പർ താരം. ദക്ഷിണാഫ്രിക്കൻ സൂപ്പർ താരം ഫാഫ് ഡുപ്ലെസിയാണ് ദേശീയ ടീമിലേക്ക് ഒരു സെക്കൻഡ് ഇന്നിംഗ്സിന് ശ്രമിക്കുന്നത്.അന്താരാഷ്ട്ര ക്രിക്കറ്റിലേക്ക് തിരിച്ചെത്താനുള്ള ശാരീരികക്ഷമത തനിക്ക് ഇപ്പോഴും ഉണ്ടെന്നും ഇതിനായി കഠിന പരിശ്രമം നടത്തുന്നുണ്ടെന്നും ഡുപ്ലെസി വ്യക്തമാക്കിയിരുന്നു.
ദക്ഷിണാഫ്രിക്കൻ കോച്ച് റോബ് വാൾട്ടറും താരത്തിന് പ്രതീക്ഷ നൽകുന്ന മറുപടിയാണ് നൽകിയത്. ഡുപ്ലെസിക്ക് മുന്നിൽ ടീമിന്റെ വാതിലുകൾ അടച്ചിട്ടില്ലെന്ന് പരിശീലകനും വ്യക്തമാക്കി.കഴിഞ്ഞ കുറച്ചു വർഷങ്ങളായി ഇതു സംബന്ധിച്ച ചർച്ചകൾ നടക്കുന്നുണ്ടെന്നും അബുദാബി ടി10 ലീഗിൽ കളിക്കുന്ന ഡുപ്ലെസി പറഞ്ഞു. അന്തിമ തീരുമാനം ഉടനെയുണ്ടാകും. അടുത്ത വർഷം ജൂണിലാണ് ടി20 ലോകകപ്പ്.
2020 ഡിസംബറിലാണ് ഡുപ്ലെസി അവസാനമായി ദക്ഷിണാഫ്രിക്കൻ ടീമിൽ കളിച്ചത് ഇതിന് ശേഷം ഐപിഎൽ ഉൾപ്പെടെ വിവിധ ഫ്രാഞ്ചൈസി ലീഗുകളിൽ സജീവമാണ് ഡുപ്ലെസി. റോയൽ ചലഞ്ചേഴ്സ് ബാംഗ്ലൂരിന്റെ നായകനായ താരം ദേശീയ ടീമിൽ മടങ്ങിയെത്താനുള്ള തയ്യാറെടുപ്പിലാണെങ്കിൽ ഐ.പി.എല്ലിൽ നിന്ന് വിട്ടു നിന്നേക്കും
