വല്ലാതെ ക്ഷീണം തോന്നുമ്പോൾ നല്ല തണുത്ത വെള്ളത്തിൽ കുളിച്ചാൽ കിട്ടുന്ന ഉന്മേഷം പറഞ്ഞറിയിക്കാൻ കഴിയില്ല. എന്നാൽ ഐസ് ബാത്തിനെ കുറിച്ച് കേട്ടിട്ടുണ്ടോ? ചിലർ സിനിമകളിലെങ്കിലും ഇത് കണ്ടിട്ടുണ്ടാവും. ശരീരത്തെ ഐസ് ഇട്ടിട്ടുള്ള വെള്ളത്തിൽ അല്പസമയം മുക്കി വയ്ക്കുന്ന ഒരു ചികിത്സ രീതിയാണ് ഐസ് ബാത്ത്. സാധാരണഗതിയിൽ, ജലത്തിന്റെ താപനില 10 മുതൽ 15 ഡിഗ്രി സെൽഷ്യസ് വരെയാണ്. തീവ്രമായ വർക്കൗട്ടുകൾക്കോ മത്സരങ്ങൾക്കോ ശേഷം അത്ലറ്റുകൾ അവരുടെ ഉന്മേഷവും ഊർജ്ജവും വീണ്ടെടുക്കാൻ ഐസ് ബാത്ത് നടത്താറുണ്ട്.
രക്തക്കുഴലുകൾ സങ്കോചിക്കുകയും പേശികളിലേക്കുള്ള രക്തയോട്ടം കുറയ്ക്കുകയും ചെയ്യുന്നതിലൂടെ, ശരീരത്തിലെ മാലിന്യങ്ങൾ നീക്കം ചെയ്യാനും വീക്കം കുറയ്ക്കാനും ഐസ് ബാത്ത് സഹായിക്കും. മിതമായ നേരം ഐസ് ബാത്ത് ചെയ്യുന്നത് പൊതുവെ ആരോഗ്യകരമാണ്. എന്നാൽ, ശരിയായി ചെയ്തില്ലെങ്കിൽ അല്ലെങ്കിൽ അതിരുകടന്നാൽ, അവ അപകടസാധ്യതകൾക്കും കാരണമാകും. ഹൃദയസംബന്ധമായ അസുഖങ്ങൾ, ഉയർന്ന രക്തസമ്മർദ്ദം, നാഡിക്ക് ക്ഷതം എന്നീ പ്രശ്നങ്ങളുള്ളവർ ഐസ് ബാത്ത് ചെയ്യുന്നതിന് മുമ്പ് ആരോഗ്യ വിദഗ്ധരെ കാണണം.
ഐസ് ബാത്തിന്റെ 10 ഗുണങ്ങൾ എന്തൊക്കെയാണെന്ന് നോക്കാം,
1. വീക്കം കുറയ്ക്കുന്നു
ശരീരത്തിലെ വീക്കം കുറയ്ക്കാൻ ഐസ് ബാത്ത് സഹായിക്കും. വിട്ടുമാറാത്ത വേദനയോ പരിക്കുകളോ ഉള്ളവർക്ക് ഗുണം ചെയ്യും.
2. പേശി വീണ്ടെടുക്കൽ വേഗത്തിലാക്കുന്നു
ഒരു ഐസ് ബാത്തിന്റെ തണുത്ത താപനില രക്തക്കുഴലുകളെ ഞെരുക്കാനും പേശിവേദന കുറയ്ക്കാനും സഹായിക്കുന്നു.
3. രോഗപ്രതിരോധ ശേഷി വർദ്ധിപ്പിക്കുന്നു
അണുബാധകളെയും രോഗങ്ങളെയും ചെറുക്കുന്ന വെളുത്ത രക്താണുക്കളുടെ ഉത്പാദനം വർദ്ധിപ്പിച്ച് രോഗപ്രതിരോധ ശേഷി ശക്തിപ്പെടുത്താൻ ഐസ് ബാത്ത് സഹായിക്കും.
4. രക്തചംക്രമണം മെച്ചപ്പെടുത്തുന്നു
രക്തയോട്ടം വർദ്ധിപ്പിക്കുന്നതിനും രക്തചംക്രമണം മെച്ചപ്പെടുത്തുന്നതിനും ഐസ് ബാത്ത് കാരണമാകുന്നു. ഇത് ഹൃദയത്തിന് നിരവധി ഗുണങ്ങൾ ചെയ്യും.
5. മാനസിക സുഖം വർദ്ധിപ്പിക്കുന്നു
ഐസ് ബാത്ത് ചെയ്യുന്ന സമയം തണുത്ത വെള്ളത്തിന്റെ ഫലമായി എൻഡോർഫിനുകൾ പുറപ്പെടുവിക്കുകയും ഇതിലൂടെ മാനസികാവസ്ഥ മെച്ചപ്പെടുകയും ചെയ്യും. ഇത് വിഷാദത്തിന്റെയും ഉത്കണ്ഠയുടെയും ലക്ഷണങ്ങൾ കുറയ്ക്കുകയും ചെയ്യും.
6. മെറ്റബോളിസം വർദ്ധിപ്പിക്കുന്നു
തവിട്ട് കൊഴുപ്പ് എന്നറിയപ്പെടുന്ന ബ്രൗൺ അഡിപ്പോസ് ടിഷ്യുവിന്റെ വർദ്ധനവിന് കാരണമാകുന്നു. ഇത് കലോറി കുറയ്ക്കാനും ഉപാപചയം വർദ്ധിപ്പിക്കാനും ഐസ് ബാത്ത് സഹായിക്കുന്നു.
7. പേശികളുടെ ക്ഷതം കുറയ്ക്കുന്നു
കഠിനമായ വ്യായാമം മൂലം പേശികൾക്കുണ്ടാകുന്ന കേടുപാടുകൾ പരിഹരിക്കാനും പരിക്കേൽക്കാനുള്ള സാധ്യതയും കുറയ്ക്കും.
8. ഉറക്കം മെച്ചപ്പെടുത്തുന്നു
ഐസ് ഇട്ട് കുളിക്കുന്നത് നല്ല ഉറക്കം നൽകും. ഊർജ്ജവും ഉന്മേഷവും വർദ്ധിപ്പിക്കും.
9. പേശികളിലും സന്ധികളിലും വേദന ഒഴിവാക്കുന്നു
പേശികളിലും സന്ധികളിലുമുള്ള വേദനകൾക്ക് ആശ്വാസം നൽകും. സന്ധിവാതം അല്ലെങ്കിൽ പേശി സമ്മർദ്ദം പോലുള്ള അവസ്ഥകൾക്ക് ഫലപ്രദമായ ചികിത്സയാണ് ഐസ് ബാത്ത്.
10. ഊർജ്ജവും ജാഗ്രതയും വർദ്ധിപ്പിക്കുന്നു
ഐസ് ബാത്ത് സമയത്ത് ഷോക്ക് അഡ്രിനാലിൻ റിലീസിനെ ഉത്തേജിപ്പിക്കുന്നു. ഇത് ഊർജ്ജവും ജാഗ്രതയും വർദ്ധിപ്പിക്കുന്നതിലേക്ക് നയിക്കും.
