ടെലിവിഷൻ പരമ്പരകളിലൂടെ മലയാളികളുടെ ഇഷ്ടതാരമായി മാറിയ നടനാണ് സൂരജ് സൺ. ഇപ്പോൾ സിനിമയിലും സജീവമാണ് താരം. വിനീത് ശ്രീനിവസന്റെ ഹൃദയം എന്ന ചിത്രത്തിലൂടെയാണ് താരം സിനിമയിൽ അരങ്ങേറ്റം കുറിച്ചത്. സമൂഹമാദ്ധ്യമങ്ങളിൽ സജീവമായ താരം തന്റെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്. അത്തരത്തിൽ താരം പങ്കുവെച്ച പുതിയ പോസ്റ്റ് ശ്രദ്ധ നേടുകയാണ്.
താൻ പൂർണ്ണമായും വെജിറ്റേറിയനായി മാറിയെന്ന് താരം പറയുന്നു. 30 വയസ് കഴിഞ്ഞാൽ ജീവിതത്തിൽ ചിലമാറ്റങ്ങൾ വേണമെന്ന് തീരുമാനിച്ചിരുന്നെന്നും അതിന്റെ ഭാഗമായാണ് വെജിറ്റേറിയൻ ഭക്ഷണ രീതിയിയിലേയ്ക്ക് മാറിയതെന്നും താരം വെളിപ്പെടുത്തി. വെജിറ്റേറിയൻ ഭക്ഷണരീതിയിലേയ്ക്ക് മാറിയിട്ട് 45 ദിവസം പിന്നിട്ടെന്നും സൂരജ് പറയുന്നു. സമൂഹമാദ്ധ്യമങ്ങളിൽ താരം പങ്കുവെച്ച കുറിപ്പ് ഇങ്ങനെ..
‘എല്ലാവർക്കും നമസ്കാരം. 30 വയസ് കഴിഞ്ഞാൽ ചില മാറ്റങ്ങൾ ജീവിതത്തിൽ വേണമെന്നുള്ള തീരുമാനം എത്തിച്ചത് ഒരു പ്യുവർ വെജിറ്ററിയൻ ജീവിതത്തിലേക്ക് ആയിരുന്നു. 45 ഓളം ദിവസം ഞാൻ പിന്നിട്ടിരിക്കുന്നു ഈ പുതിയ ലൈഫ്. ഞാൻ ചിന്തിക്കാത്ത മാറ്റകൾ എന്റെ മനസ്സിനും ശരീരത്തിനും തന്നു കൊണ്ടിരിക്കുന്നു. ശരീത്തിന്റ ഉള്ളിലേക്കു പോകുന്ന ഭക്ഷണങ്ങൾ ശ്രദ്ധിച്ചു തുടങ്ങി. ഒരു ഭക്ഷണപ്രിയനായ ഞാൻ ഇങ്ങനെ ഒരു മാറ്റം കൊണ്ടുവന്നപ്പോൾ എനിക്ക് എന്നെത്തന്നെ തിരിച്ചു കിട്ടിയ ഫീൽ’ എന്നാണ് നടൻ പറയുന്നത്.
View this post on Instagram
സീരിയലിൽ നിന്നും സിനിമയിൽ എത്തിയ സൂരജ് ചെറിയ വേഷങ്ങളിലാണ് ആദ്യം പ്രത്യക്ഷപ്പെട്ടിരുന്നത്. ഇപ്പോൾ നായകനായി വേഷമിട്ട ചിത്രങ്ങളും വരാനിരിക്കുകയാണ്.