അന്താരാഷ്‌ട്ര ബഹിരാകാശ നിലയത്തിന്റെ 25-ാം വാർഷികത്തോടനുബന്ധിച്ച് ആദ്യ ചിത്രവും ഇപ്പോഴത്തെ ചിത്രവും പങ്കുവെച്ച് നാസ. 25-ാം വാർഷികം ആഘോഷിക്കുന്നതിന്റെ ഭാഗമായാണ് നാസ ചിത്രങ്ങൾ പങ്കുവെച്ചത്. ഒന്നിലധികം വിക്ഷേപണങ്ങൾ നടത്തിയ വിക്ഷേപണ വാഹിനികൾ, ലോഞ്ച് ചെയ്തവ, ആശയ വിനിമയ ശൃംഖലകൾ, അന്താരാഷ്‌ട്ര ശാസ്്ത്ര ഗവേഷണ സംഘങ്ങളുടെ നേട്ടങ്ങൾ എന്നിവയാണ് പരിപാടിയുടെ പ്രധാന ഘടകം.
പരിപാടിയോടനുബന്ധിച്ചാണ് അന്താരാഷ്‌ട്ര ബഹിരാകാശ നിലയത്തിന്റെ ആദ്യ ചിത്രവും ഇപ്പോഴത്തെ ചിത്രവും നാസ പങ്കുവെച്ചു. ബഹിരാകാശ നിലയത്തിന്റെ തുടക്കവും നാൾ വഴികളും തുടങ്ങി ഇന്ന് ഏത് തരത്തിലെത്തി നിൽക്കുന്നു എന്നിങ്ങനെയുള്ള പ്രവർത്തനങ്ങൾ ചൂണ്ടിക്കാട്ടിയാണ് 25-ാം വാർഷികം ആഘോഷിച്ചത്. 1998 ഡിസംബർ ആറിനാണ് ബഹിരാകാശ നിലയത്തിന്റെ ആദ്യ രണ്ട് ഘടകങ്ങൾ ലോ എർത്ത് ഓർബിറ്റിലെത്തുന്നത്.
ഇതിന് ശേഷം 2000 നവംബർ രണ്ട് മുതൽ ബഹിരാകാശ യാത്രികർ ഭ്രമണപഥത്തിൽ പരീക്ഷണങ്ങളാരംഭിച്ചു. മനുഷ്യരാശിയ്‌ക്ക് ഉപകാരപ്രദമാകുന്ന വിധത്തിൽ 3,300-ഓളം ഗവേഷണ-വിദ്യാഭ്യാസ ദൗത്യങ്ങൾക്ക് നേതൃത്വം വഹിച്ചു. ചന്ദ്രനിലേക്കും ചൊവ്വയിലേക്കും ഉൾപ്പെടെ നിരവധി പര്യവേഷണങ്ങളുടെ ഭാഗമായി 21 രാജ്യങ്ങലിൽ നിന്നായി 273 ബഹിരാകാശ യാത്രികർ ഒരുമിച്ച് നിരവധി ദൗത്യങ്ങളിൽ പങ്കാളിയായി.
ഇനി ഏഴ് വർഷം കൂടി മാത്രമാകും ബഹിരാകാശ നിലയം പ്രവർത്തിക്കുക. നിരവധി തവണ അന്താരാഷ്‌ട്ര ബഹിരാകാശ നിലയത്തിന്റെ കാലാവധി നീട്ടിയിട്ടുണ്ട്. ഇപ്പോഴിതാ ബഹിരാകാശ നിലയത്തിന്റെ ഭാഗമായ മിക്ക ഘടകങ്ങളുടെയും കാലാവധി കഴിഞ്ഞിട്ടുണ്ട്. ബഹിരാകാശ നിലയം വാസയോഗ്യമാണെന്നും ഗവേഷണ ദൗത്യങ്ങളിൽ പങ്കാളിയാകാൻ സാധിക്കുന്നതാണെന്നും സുരക്ഷിതമാണെന്നും ഉറപ്പു വരുത്തുന്നതിനായി കൃത്യമായ വിശകലനങ്ങൾ നാസ നടത്താറുണ്ട്.
