രാജ്യത്തെ കായിക പുരസ്‌കാരങ്ങൾക്കായുള്ള നാമനിർദ്ദേശ പട്ടിക പ്രഖ്യാപിച്ചു. രാജ്യത്തെ പരമോന്നത കായിക പുരസ്‌കരമായ മേജർ ധ്യാൻചന്ദ് പുരസ്‌കാരത്തിനുള്ള നാമനിർദ്ദേശ പട്ടികയിൽ ഇടംപിടിച്ചിരിക്കുന്നത് ബാഡ്മിന്റൺ താരങ്ങളായ സ്വാതിക് സായിരാജ്-ചിരാഗ് ഷെട്ടി സഖ്യമാണ്. മലയാളികൾക്ക് അഭിമാനമായി ലോംഗ്ജമ്പ് താരം മുരളീ ശ്രീശങ്കറും അർജുന അവാർഡിനായുള്ള പട്ടികയിൽ ഉൾപ്പെട്ടിട്ടുണ്ട്. 18 കായികതാരങ്ങളാണ് അർജുന അവാർഡിനായുള്ള പട്ടികയിൽ ഇടംപിടിച്ചിരിക്കുന്നത്.
അവാർഡ് പട്ടികയിൽ ഇടംപിടിച്ചവർ
മേജർ ധ്യാൻചന്ദ് ഖേൽരത്ന അവാർഡ്:
സാത്വിക് സായിരാജ് രങ്കിറെഡ്ഡി, ചിരാഗ് ഷെട്ടി (ബാഡ്മിന്റൺ).
ധ്യാൻചന്ദ് ലൈഫ് ടൈം അവാർഡ്:
കവിത (കബഡി), മഞ്ജുഷ കൻവാർ (ബാഡ്മിന്റൺ), വിനീത് കുമാർ ശർമ (ഹോക്കി)
അർജുന അവാർഡ്:
മുഹമ്മദ് ഷമി (ക്രിക്കറ്റ്), അജയ് റെഡ്ഡി (അന്ധ ക്രിക്കറ്റ്), ഓജസ് പ്രവീൺ ഡിയോട്ടലെ, അദിതി ഗോപിചന്ദ് സ്വാമി (അമ്പെയ്‌ത്ത്), ശീതൾ ദേവി (പാരാ അമ്പെയ്‌ത്ത്), പരുൾ ചൗധരി, എം ശ്രീശങ്കർ (അത്ലറ്റിക്സ്), മുഹമ്മദ് ഹുസാമുദ്ദീൻ (ബോക്‌സിംഗ്), ആർ വൈശാലി (ചെസ്സ്) , ദിവ്യകൃതി സിംഗ്, അനുഷ് അഗർവല്ല (അശ്വാഭ്യാസം), ദിക്ഷ ദാഗർ (ഗോൾഫ്), കൃഷൻ ബഹദൂർ പഥക്, സുശീല ചാനു (ഹോക്കി), പിങ്കി (ലോൺ ബോൾ), ഐശ്വരി പ്രതാപ് സിംഗ് തോമർ (ഷൂട്ടിംഗ്), ആന്റിം പംഗൽ (ഗുസ്തി), അയ്ഹിക മുഖർജി (ടേബിൾ ടെന്നീസ്).
ദ്രോണാചാര്യ അവാർഡ്:
ഗണേഷ് പ്രഭാകരൻ (മല്ലഖാംബ്), മഹാവീർ സൈനി (പാരാ അത്ലറ്റിക്സ്), ലളിത് കുമാർ (ഗുസ്തി), ആർബി രമേഷ് (ചെസ്), ശിവേന്ദ്ര സിംഗ് (ഹോക്കി).
