വീട്ടുമുറ്റത്തും പറമ്പിലുമെല്ലാം സുലഭമായി കിട്ടുന്ന ഒരു ഇലക്കറിയാണ് മുരിങ്ങ. പോഷകങ്ങളുടെ കലവറയാണ് മുരിങ്ങയില. മുരിങ്ങപ്പൂവിലും ധാരാളം പോഷക ഗുണങ്ങളുണ്ട്. ഇലക്കറികളിൽ നമുക്ക് വളരെ സുലഭമായി ലഭിക്കുന്ന വിഭവമാണ് മുരിങ്ങയില. മുരിങ്ങയില ദിവസവും കഴിക്കുന്നത് വളരെ നല്ലതാണ്. എന്നാൽ പലപ്പോഴും നമ്മൾ മുരിങ്ങയുടെ ഗുണങ്ങൾ അറിയാതെ പോകുന്നു. മുരിങ്ങയിലയുടെ കുറച്ച് ആരോഗ്യ ഗുണങ്ങൾ നോക്കിയാലോ..
ഭക്ഷണത്തിൽ മുരിങ്ങ ഉൾപ്പെടുത്തുന്നത് ഇൻസുലിൻ അളവ് നിയന്ത്രിക്കാൻ സഹായിക്കും. ഇത് വിശപ്പ് കുറക്കാനും രക്തത്തിലെ പഞ്ചസാരയുടെ അളവ് കുറയ്ക്കാനും സഹായിക്കും. ഇതിലൂടെ മധുരമുള്ള ഭക്ഷണങ്ങളോടുള്ള ആസക്തി കുറയ്ക്കും. മുരിങ്ങയിലയിൽ അടങ്ങിയിരിക്കുന്ന ഡയറ്ററി ഫൈബർ ശരീരഭാരം കുറയ്ക്കാൻ സഹായിക്കും. കൂടാതെ നാരുകളുടെ കലവറ കൂടിയാണ് മുരിങ്ങയില.
മുരിങ്ങയില കഴിക്കുന്നത് ദഹനപ്രശ്നങ്ങൾ ഇല്ലാതാക്കാൻ സഹായിക്കും. വൻകുടലിലെ പുണ്ണ്, വയറിളക്കം, മലബന്ധം എന്നീ പ്രശ്നങ്ങൾ ഉള്ളവർ ഉറപ്പായും കഴിച്ചിരിക്കേണ്ട ഒരു വിഭവമാണ് മുരിങ്ങയില. മോശം കൊളസ്ട്രോളിന്റെ അളവ് കുറയ്ക്കാൻ മുരിങ്ങയില സഹായിക്കും. തലച്ചോറിന്റെ ആരോഗ്യത്തിനും വളരെ ഉത്തമമാണ്.
മുരിങ്ങയില ഹൃദ്രോഗ സാധ്യത കുറയ്ക്കാൻ സാധിക്കും. ഇരുമ്പ്, കാൽസ്യം, ബി വിറ്റാമിനുകൾ എന്നിവയാൽ സമ്പന്നമാണ് മുരിങ്ങ. ഇത് തലച്ചോറിന്റെ ആരോഗ്യത്തിനും നല്ലതാണ്. നിരവധി പോഷകങ്ങളാൽ സമ്പന്നമായ മുരിങ്ങയില എല്ലുകളെ ശക്തിപ്പെടുത്തും. കൂടാകെ ശ്വാസകോശ സംബന്ധമായ പ്രശ്നങ്ങൾ കുറയ്ക്കാനും സഹായിക്കും.