മലയാളികൾക്ക് ഏറെ പ്രിയപ്പെട്ട യൂട്യൂബ് ഇൻഫ്ലൂവൻസറാണ് ഗ്ലാമി ഗംഗ. നിരവധി ബ്യൂട്ടി ടിപ്പുകളാണ് തന്റെ യൂട്യൂബ് ചാനലിലൂടെ ഗ്ലാമി പങ്കുവെക്കറുള്ളത്. തന്റെ ജീവിതത്തിൽ നിറയെ കഷ്ടതകൾ അനുഭവിച്ച കാര്യം പല അഭിമുഖങ്ങളിലും ഗ്ലാമി തുറന്നു പറഞ്ഞിട്ടുണ്ട്. എന്നാൽ ഇപ്പോൾ ഒരു അഭിമുഖത്തിൽ എട്ടാം വയസിൽ പിതാവിന്റെ ബന്ധുവിൽ നിന്ന് ലൈംഗികാതിക്രമം നേരിട്ട കാര്യം വെളിപ്പെടുത്തിയിരിക്കുകയാണ് ഗ്ലാമി ഗംഗ. ഒരു ഓൺലൈൻ മാദ്ധ്യമത്തിന് നൽകിയ അഭിമുഖത്തിലാണ് ഇക്കാര്യം പറഞ്ഞത്.
നാലാം ക്ലാസിൽ പഠിക്കുമ്പോഴാണ് അച്ഛന്റെ ബന്ധു തനിക്കെതിരെ ലൈംഗികാതിക്രമം നടത്തിയത്. എന്നാൽ ഇക്കാര്യം തനിക്ക് മറ്റാരോടും പറയാൻ ധൈര്യം ഇല്ലായിരുന്നു. അന്ന് അമ്മയോട് തുറന്നു പറയാം എന്ന് തോന്നിയെങ്കിലും കഴിഞ്ഞില്ല. എന്നും മദ്യപിച്ചെത്തുന്ന അച്ഛൻ അമ്മയെ ക്രൂരമായി മർദ്ദിക്കുന്നത് കണ്ടാണ് താനും അനുജത്തിയും ഉറങ്ങിയിരുന്നത്. ഇക്കാര്യം അമ്മയോട് പറഞ്ഞാൽ വിഷമമായോലോ എന്നുകരുതി വേണ്ടെന്ന് വെയ്ക്കുകയായിരുന്നു.
അച്ഛനോട് ഇക്കാര്യം തുറന്ന് പറയാൻ പേടിയായിരുന്നു. തന്നെ അടിച്ചാലൊയെന്ന് ഭയന്നായിരുന്നു അന്ന് ഇക്കാര്യങ്ങളൊന്നും തുറന്നു പറഞ്ഞു. കുടുംബ പ്രശ്നമാകുമോ എന്നും ഭയന്നിരുന്നു. എന്നാൽ ഒരുപാട് വർഷത്തിന് ശേഷം മാനിസകമായി ബുദ്ധിമുട്ട് തോന്നിയ സമയത്ത് അമ്മയോട് ഇക്കാര്യം തുറന്നു പറഞ്ഞു. ഇപ്പോഴും ചെറുപ്പത്തിലെ സംഭവങ്ങൾ ഓർക്കുമ്പോൾ വല്ലാത്തൊരു ഭയമാണ്. ലൈറ്റില്ലാതെ ഇപ്പോഴും ഉറങ്ങാൻ കഴിയില്ല. ഇരുട്ട് പേടിയാണ്, ഇത്തരത്തിൽ മാനസിക സമ്മർദ്ദങ്ങൾ കൂടി വന്നപ്പോൾ താൻ ഒരു സൈക്കോളജിസ്റ്റിനെ സമീപിക്കുകയായിരുന്നെന്നും ഗ്ലാമി പറയുന്നു.
