വിവാഹത്തിന് മുന്നോടിയായി നടക്കുന്ന പ്രീ വെഡിംഗ് ഷൂട്ടുകളും ആഘോഷങ്ങളുമെല്ലാം നമ്മൾ കാണാറുള്ളതാണ്. ഇതിൽ ഏറ്റവും പ്രധാനപ്പെട്ടതാണ് സേവ് ദ ഡേറ്റ് ഫോട്ടോ ഷൂട്ട്. ഇതിൽ എത്രമാത്രം വ്യത്യസ്തതകൾ കൊണ്ടുവരാമെന്നാണ് പലരും ചിന്തിക്കുന്നത്. ഇപ്പോഴിതാ അത്തരത്തിൽ വ്യത്യസ്തമായൊരു സേവ് ദ ഡേറ്റ് ഫോട്ടോഷൂട്ടിന്റെ വീഡിയോയാണ് സമൂഹമാദ്ധ്യമങ്ങളിൽ പ്രചരിക്കുന്നത്.
ഒരു അരുവിയുടെ സമീപത്താണ് ഫോട്ടോ ഷൂട്ട് നടക്കുന്നത്. മനോഹരമായ വസ്ത്രങ്ങൾ ധരിച്ച് അരുവിയിലെ വെള്ളത്തിൽ ഇരുന്ന് പോസ് ചെയ്യുകയാണ് വധൂവരൻമാർ. ചിത്രങ്ങൾക്ക് ഒരു പ്രത്യേക ഭംഗി ഉണ്ടാക്കുന്നതിനായി മനോഹരമായ ലൈറ്റുകൾ ഉപയോഗിച്ചിട്ടുണ്ട്. കൂടാതെ വെള്ളത്തിൽ കൃത്രിമമായി പുകയും ഉപയോഗിച്ചിട്ടുണ്ട്. ഇതിനിടെ ഒരു പാമ്പ് ഇവർക്ക് സമീപത്തേയ്‌ക്ക് എത്തുകയാണ്.
View this post on Instagram
പാമ്പിനെ ആദ്യം കാണുന്നത് വരനാണ്. ഉടൻ തന്നെ വരൻ മറ്റുള്ളവരെ വിവരമറിയിക്കുന്നു. ഇത് കേട്ടയുടൻ ഒപ്പമുള്ളവർ ജാഗ്രത പാലിക്കുന്നു. എന്നാൽ പാമ്പ് അടുത്തേയ്‌ക്കെത്തുമ്പോൾ ചെറിയ പാമ്പാണെന്ന് മനസ്സിലാക്കി അതിനെ ഒടിച്ചുവിടുകയും ചെയ്യുന്നു. പിന്നീട് പാമ്പ് എത്തുന്നത് ഫോട്ടോഗ്രാഫറുടെ അടുത്താണ് പിന്നെ വധൂവരൻമാർക്കടുത്തേയ്‌ക്ക് വീണ്ടുമെത്തുന്നു. ഇതോടെ വധു നിലവിളിക്കാൻ തുടങ്ങി.
എന്നാൽ ഭയക്കേണ്ട കാര്യമില്ലെന്ന് പറഞ്ഞ് വരൻ, വധുവിനെ ആശ്വിസിപ്പിച്ച ശേഷം സമാധാനമായിരിക്കാൻ പറയുന്നു. അനങ്ങാതെ ഇരുന്നാൽ അത് പോയ്‌കൊള്ളുമെന്ന് കൂടെ ഉണ്ടായിരുന്ന ഒരു ക്യാമറാമാൻ വിളിച്ച് പറയുന്നതും കേൾക്കാം. സമൂഹമാദ്ധ്യമമായ ഇൻസ്റ്റാഗ്രാമിൽ പ്രചരിക്കുന്ന ഈ വീഡിയോ ഇതിനോടകം 50 ലക്ഷത്തോളം പേരാണ് കണ്ടത്. ഒപ്പം രസകരമായ കമന്റുകളുമായി നിരവധിപ്പേരും എത്തി.
