കേരളത്തിൽ വച്ച് മോഷണം പോയ എയർപോഡ് കണ്ടെത്താനുള്ള സഹായാഭ്യർത്ഥനയുമായി യുവാവ്. എക്സ് അക്കൗണ്ടിലൂടെയാണ് യുവാവ് സഹായം അഭ്യർത്ഥിച്ചത്. നിഖിൽ എന്ന ഉപയോക്താവാണ് കേരളത്തിൽ വച്ച് നഷ്ടമായ തന്റെ എയർപോഡിനെക്കുറിച്ച് പോസ്റ്റിട്ടിരിക്കുന്നത്. എയർപോഡിൽ ലൊക്കേഷൻ ട്രാക്കർ ഉണ്ടായിരുന്നു. ഇത് ഉപയോഗിച്ച് ലൊക്കേഷൻ കണ്ടെത്തിയതിന് ശേഷമാണ് യുവാവ് സഹായം ചോദിച്ച് രംഗത്ത് എത്തിയിരിക്കുന്നത്.
രണ്ട് ദിവസമായി എയർപോഡിന്റെ ലൊക്കേഷൻ ഇവിടെ തന്നെയാണ് കാണിക്കുന്നത്. അതിനാൽ എയർപോഡ് അവിടെ താമസിക്കുന്ന ആരുടെയോ കയ്യിലുണ്ടെന്നുമാണ് പറയുന്നത്. സൗത്ത് ഗോവയിലെ സാൽസീറ്റിലുള്ള ഡോ.അൽവാരോ ഡി ലൊയോളാ ഫുർട്ടാടോ റോഡിന് സമീപമായിരുന്നു എയർപോഡിന്റെ ലൊക്കേഷൻ കാണിക്കുന്നത്. ഇതിന് പരിസരത്തുള്ള ആരെങ്കിലുമുണ്ടോ എന്നു ചോദിച്ചായിരുന്നു യുവാവിന്റെ പോസ്റ്റ്.
i recently lost my new airpods in kerala and this bitch ass person is travelling with it. the person is in south goa rn since 2 days, so i’m guessing they live there. does anyone here live around dr. alvaro de loyola furtado road, salcete, south goa? rt for reach, etc. pic.twitter.com/ltJyoF0fNZ
— Nikhil (@niquotein) December 21, 2023
നിഖിലിന്റെ എയർപോഡ് ബസ് യാത്രയിലായിരുന്നു നഷ്ടപ്പെട്ടത്. ലോസ്റ്റ് മോഡ് ഫീച്ചർ എയർപോഡിൽ ഓണായതുകൊണ്ടാണ് ഇപ്പോഴും നിഖിലിന് എയർപോഡിന്റെ ലൊക്കേഷൻ അറിയാൻ സാധിക്കുന്നത്. തനിക്കല്ലാതെ മറ്റാർക്കും എയർപോഡ് ഓൺ ചെയ്യാനോ മൊബൈലുമായി ബന്ധിപ്പിക്കാനോ സാധിക്കല്ല എന്നതാണ് ഈ എയർപോഡിന്റെ പ്രത്യേകത. ഇനി ബന്ധിപ്പിക്കാൻ ശ്രമിച്ചാൽ അവർക്കൊരു സന്ദേശവും മൊബൈൽ നമ്പറും ലഭിക്കുമെന്ന് നിഖിലിന്റെ പോസ്റ്റിൽ പറയുന്നുണ്ട്.
