ഛായാഗ്രാഹകനും നിർമാതാവുമായ ജോമോൻ ടി ജോൺ പുനർ വിവാഹിതനായി. കഴിഞ്ഞ ദിവസമായിരുന്നു വിവാഹം നടന്നത്. വിവാഹ ചിത്രങ്ങൾ ജോമോൻ തന്നെയാണ് സമൂഹമാദ്ധ്യമങ്ങളിൽ പങ്കുവച്ചത്. വളരെ ലളിതമായി നടന്ന ചടങ്ങിൽ അടുത്ത സുഹൃത്തുക്കളും ബന്ധുക്കളും മാത്രമാണ് പങ്കെടുത്ത്.
അൻസു എൽസ വർസീസ് എന്നാണ് ജോമോന്റെ വധുവിന്റെ പേര്. എഞ്ചിനീയർ ഗവേഷകയും ഡിസൈനറുമൊക്കെയാണ് അൻസു എൽസ വർസീസ്. മൈ ഹോപ്പ് ആൻഡ് ഹോം എന്നായിരുന്നു ചിത്രങ്ങൾ പങ്കുവെച്ച് ജോമോൻ കുറിച്ചത്.
നടി ആൻ അഗസ്റ്റിനെയായിരുന്നു ജോമോൻ ആദ്യം വിവാഹം കഴിച്ചത്. രണ്ട് വർഷം മുമ്പാണ് ഇരുവരും വിവാഹബന്ധം വേർപിരിഞ്ഞത്. ശേഷം ആൻ അഗസ്റ്റിൻ വീണ്ടും അഭിനയരംഗത്ത് സജീവമാകുകയായിരുന്നു. ഏറെ നാളത്തെ പ്രണയത്തിനുശേഷമായിരുന്നു ഇരുവരുടെയും വിവാഹം നടന്നത്. ആനിൽ നിന്നും വിവാഹ മോചനം ആവശ്യപ്പെട്ട് ഭർത്താവ് ജോമോനാണ് കുടുംബ കോടതിയിൽ ഡിവോഴ്‌സ് കേസ് ഫയൽ ചെയ്തത് എന്നാണ് അന്ന് റിപ്പോർട്ടുകൾ വന്നത്.
സെലിബ്രിറ്റികൾ അടക്കം നിരവധി പേർ ജോമോനും വധുവിനും ആശംസകളുമായി എത്തി. നൂറിൻ ഷെരീഫ്, അഭയ ഹിരൺമയി, അമൃത സുരേഷ്, ഗൗതമി നായർ തുടങ്ങി നിരവധി താരങ്ങൾ ആശംസകൾ അറിയിച്ചു. നടൻ ധ്യാൻ ശ്രീനിവാസൻ, നിർമാതാവ് വിശാഖ് സുബ്രഹ്‌മണ്യം എന്നിവരും കുടുംബവും വിവാഹ ചടങ്ങിൽ പങ്കെടുത്തിരുന്നു.
പരസ്യ ചിത്രങ്ങളിലൂടെയാണ് ജോമോൻ ചലച്ചിത്ര രംഗത്തേയ്‌ക്ക് എത്തിയത്. ചാർളി, എന്ന് നിന്റെ മൊയ്തീൻ, തിര, തട്ടത്തിൻ മറയത്ത്, കാപ്പ തുടങ്ങിയ ഹിറ്റ് ചിത്രങ്ങളുടെ ഛായാഗ്രാഹകനായിരുന്നു ജോമോൻ. മലയാളത്തിന് പിന്നാലെ തമിഴിലും ബോളിവുഡിലുമടക്കം ജോമോൻ തന്റെ കഴിവ് തെളിയിച്ച് കഴിഞ്ഞു.
