2023 അവസാനിക്കാൻ ഇനി ദിവസങ്ങൾ മാത്രമാണ് അവശേഷിക്കുന്നത്. ഒരു പുതുവർഷത്തെ വരവേൽക്കാൻ ഒരുങ്ങുമ്പോൾ തന്നെ കഴിഞ്ഞു പോയ ദിനങ്ങളെ കുറിച്ചു കൂടി നമ്മൾ ഓർത്തെടുക്കാറുണ്ട്. സോഷ്യൽമീഡിയ പ്ലാറ്റ്ഫോമുകൾ സമൂഹത്തിൽ വലിയ സ്വാധീനം ചെലുത്തുന്ന ഒരു കാലഘട്ടത്തിലൂടെ കടന്നു പോകവെയാണ് പുതിയ ഒരു വർഷത്തെ കൂടി വരവേൽക്കാൻ നാം ഒരുങ്ങിയിരിക്കുന്നത്. ഹൃദയസ്പർശിയായ കഥകളും നിമിഷങ്ങളും ചിത്രങ്ങളുമെല്ലാം സോഷ്യൽ മീഡിയാ പ്ലാറ്റ്ഫോമുകളിൽ തരംഗമായി മാറിയ ഒരു വർഷമായിരുന്നു 2023. 2024-ന് തുടക്കം കുറിക്കും മുമ്പ് ലോകമൊട്ടാകെ വൈറലായ 2023-ലെ ചില സോഷ്യൽ മീഡിയ പോസ്റ്റുകൾ പരിശോധിക്കാം.
ഓപ്പൺ എഐയിൽ നിന്ന് സാം ആൾട്ട്മാൻ പുറത്ത്
നവംബർ 17-ന് ഓപ്പൺ എഐയുടെ സിഇഒ സ്ഥാനത്ത് നിന്ന് പുറത്താക്കപ്പെട്ടതിന് സാം ആൾട്ട്മാൻ എക്സിൽ പങ്കുവെച്ച പോസ്റ്റുകൾ വളരെയധികം ശ്രദ്ധിക്കപ്പെട്ടിരുന്നു. ആദ്യമായും അവസാനമായും ഞാൻ ഇവയിലൊന്ന് ധരിക്കുന്നു” എന്ന അടിക്കുറിപ്പോടെ, തന്റെ ഓപ്പൺ എഐ കാർഡ് ധരിച്ച് അദ്ദേഹം ഒരു സെൽഫി പോസ്റ്റ് ചെയ്തിരുന്നു.
ഇലോൺ മസ്ക്-മാർക്ക് സക്കർബർഗും തമ്മിലുള്ള ഇടി
ശതകോടീശ്വരൻമാരായ ഇലോൺ മസ്കിന്റെയും മാർക്ക് സക്കർബർഗിന്റെയും ഒരു കേജ് ഫൈറ്റ് ചിത്രം സോഷ്യൽ മീഡിയയിൽ വൈറലായിരുന്നു.”എനിക്ക് ലൊക്കേഷൻ അയയ്ക്കൂ” എന്ന് സക്കർബർഗ് പ്രതികരിച്ചതോടെ ഗുസ്തി മത്സരത്തിനായി ഇറ്റലിയിലെ കൊളോസിയം മസ്ക് നിർദ്ദേശിക്കുകയായിരുന്നു.
ഋഷി സുനകിന്റെ ഇന്ത്യാ സന്ദർശനം
Honoured to welcome 🇬🇧 Prime Minister @RishiSunak and #AkshataMurthy to celebrate the shared cultural heritage between India and the UK @BAPS #SwaminarayanAkshardham during the #G20 #LivingBridge pic.twitter.com/6IXtanxn15
— Swaminarayan Akshardham (@DelhiAkshardham) September 10, 2023
സെപ്റ്റംബറിൽ നടന്ന ജി20 ഉച്ചകോടിക്കായി ബ്രിട്ടീഷ് പ്രധാനമന്ത്രി ഋഷി സുനക്കും ഭാര്യ അക്ഷത മൂർത്തിയും ഇന്ത്യയിൽ എത്തിയപ്പോൾ സമൂഹമാദ്ധ്യമങ്ങളിൽ പങ്കുവെച്ച കുറിപ്പും ചിത്രങ്ങളും വലിയ ചർച്ചയായിരുന്നു. താൻ ഒരു ഹിന്ദുവായതിൽ അഭിമാനിക്കുന്നു എന്ന് പറഞ്ഞ അദ്ദേഹം, ഡൽഹിയിലെ അക്ഷരധാം ക്ഷേത്രത്തിൽ ദർശനവും നടത്തിയിരുന്നു.
ചന്ദ്രയാൻ ചന്ദ്രനിൽ
Chandrayaan-3 Mission:
Smile, please📸!
Pragyan Rover clicked an image of Vikram Lander this morning.
The ‘image of the mission’ was taken by the Navigation Camera onboard the Rover (NavCam).
NavCams for the Chandrayaan-3 Mission are developed by the Laboratory for… pic.twitter.com/Oece2bi6zE
— ISRO (@isro) August 30, 2023
ചന്ദ്രനിലേക്കുള്ള ഇന്ത്യയുടെ മൂന്നാമത്തെ ദൗത്യമായിരുന്നു ചന്ദ്രയാൻ-3. 2023 ജൂലൈ 14 ന് സതീഷ് ധവാൻ ബഹിരാകാശ കേന്ദ്രത്തിൽ നിന്ന് ഐഎസ്ആർഒ വിക്ഷേപിച്ച പേടകത്തിൽ നിന്നുള്ള വിക്രം ലാൻഡറും പ്രഗ്യാൻ എന്ന റോവറും ഓഗസ്റ്റ് 5-ന് ചന്ദ്രന്റെ ഭ്രമണപഥത്തിൽ പ്രവേശിച്ചു. ഓഗസ്റ്റ് 23 ന് വൈകുന്നേരം 6:03 ന് ലാൻഡർ ചന്ദ്രന്റെ ദക്ഷിണധ്രുവത്തിൽ ഇറങ്ങി ചരിത്രം സൃഷ്ടിച്ചു. ഇത് സമൂഹമാദ്ധ്യമങ്ങളിൽ ലോകമെമ്പാടും ആഘോഷിക്കപ്പെട്ടു.
പ്രധാനമന്ത്രി നരേന്ദ്രമോദിക്കൊപ്പമുള്ള ജോർജിയ മെലോണിയുടെ സെൽഫി
Good friends at COP28.#Melodi pic.twitter.com/g0W6R0RJJo
— Giorgia Meloni (@GiorgiaMeloni) December 1, 2023
COP28 ഉച്ചകോടിയിൽ നിന്ന് പ്രധാനമന്ത്രി നരേന്ദ്രമോദിക്കൊപ്പമുള്ള ഫോട്ടോ പോസ്റ്റ് ചെയ്തുകൊണ്ട് ഇറ്റാലിയൻ പ്രധാനമന്ത്രി ജോർജിയ മെലോണി ഇന്റർനെറ്റിൽ തരംഗം സൃഷ്ടിച്ചു. നല്ല സുഹൃത്തുക്കൾ എന്നായിരുന്നു മോദിക്കൊപ്പമുള്ള ചിത്രം പങ്കുവെച്ചുകൊണ്ട് ജോർജിയ മെലോണി കുറിച്ചത്.
