കഴിഞ്ഞ ദിവസം സമൂഹമാദ്ധ്യമങ്ങളിൽ നിറഞ്ഞ ചിത്രങ്ങളിലൊന്നാണ് സ്കൂൾ ബാൻഡിനെ സല്യൂട്ട് ചെയ്യുന്ന നടൻ സുരേഷ് ഗോപിയുടെ ചിത്രം. എറണാകുളം ഗ്രീറ്റ്സ് പബ്ലിക് സ്കൂളിൽ നടന്ന ഒരു ചടങ്ങിലായിരുന്നു സുരേഷ്ഗോപി എത്തിയത്. ബാൻഡിന്റെ ചിട്ടകൾക്കനുസരിച്ച് ബാൻഡ് തലവനായ വിദ്യാർത്ഥി അദ്ദേഹത്തിന്റെ സല്യൂട്ട് സ്വീകരിച്ച് തിരികെ സല്യൂട്ട് ചെയ്യുന്നുമുണ്ട്. എന്നാൽ, സല്യൂട്ട് ചെയ്ത ഈ വിദ്യാർത്ഥി മലയാളികളുടെ ഒരു പ്രിയപ്പെട്ട താരപുത്രനാണ്.
ചടങ്ങിൽ സുരേഷ്ഗോപിക്കൊപ്പം നടൻ ദിലീപും എത്തിയിരുന്നു. രാത്രി ദൃശ്യമായതിനാൽ സല്യൂട്ട് ചെയ്യുന്ന ദൃശ്യങ്ങൾ ഒന്നും വ്യക്തമല്ലായിരുന്നു. സുരേഷ് ഗോപിയെ സല്യൂട്ട് ചെയ്യുന്ന വിദ്യാർത്ഥി മലയാളികൾക്ക് ഏറെ പ്രിയങ്കരിയായ നവ്യാനായരുടെ മകൻ സായ്കൃഷ്ണയാണ്. പരിപാടിയിലെ ചിത്രങ്ങൾ നവ്യനായരും സമൂഹമാദ്ധ്യമത്തിൽ പങ്കുവച്ചതോ‌ടെയാണ് കൂടുതൽ ശ്രദ്ധിക്കപ്പെട്ടത്.
ഡാൻസും അഭിനയവുമായി തിരക്കുകൾക്കി‌ടയിൽ ആണെങ്കിലും നവ്യ മകന്റെ പ‌ഠനത്തിന് ഏറെ പ്രാധാന്യം നൽകുന്നുണ്ട്. കുഞ്ഞുനാളിൽ സായ് കൃഷ്ണ മുംബൈയിലായിരുന്നു പഠനം. നവ്യനായർ അഭിനയവും ജീവിത തിരക്കുമായി നാട്ടിലെത്തിയതോടെ മകനെയും എറണാകുളത്തെ വിദ്യാലയത്തിലേക്ക് മാറ്റുകയായിരുന്നു.
