ചർമ്മ സംരക്ഷണമുൾപ്പെടെ നിരവധി ആരോഗ്യ ഗുണങ്ങൾ അടങ്ങിയ ഒന്നാണ് ഇരട്ടിമധുരം. തൊണ്ട വേദനയും അസ്വസ്ഥത ഉണ്ടാക്കുന്ന ചുമയും കുറയ്ക്കാൻ ഇരട്ടിമധുരം സഹായകമാണ്. ഒരു സസ്യമെന്ന നിലയിൽ പഞ്ചസാരയ്ക്ക് സമാനമായ മധുരമുണ്ട് ഇതിന്. മധുരം കഴിക്കുമ്പോഴുണ്ടാകുന്ന മറ്റ് പാർശ്വഫലങ്ങളിൽ നിന്നും ഇത് രക്ഷിക്കുന്നു. പാലിൽ ചേർത്തും വെള്ളത്തിൽ കലർത്തിയും ഇരട്ടി മധുരം കഴിക്കുന്നത് ശരീരത്തിന് നല്ലതാണ്. ഇരട്ടിമധുരം ചേർത്ത ചായയുടെ പ്രധാന ആരോഗ്യ ഗുണങ്ങൾ എന്തെല്ലാമെന്ന് നോക്കാം…
ദഹനം
ഇരട്ടിമധുരത്തിൽ ഗ്ലിസറിൻ ധാരാളം അടങ്ങിയിട്ടുണ്ട്. ഇതാണ് ഇവയ്ക്ക് മധുരം നൽകുന്നതും കൂടാതെ ദഹനം വർദ്ധിപ്പിക്കുന്നതിനും സഹായിക്കുന്നത്. അസിഡിറ്റി അനുഭവപ്പെടുമ്പോൾ കുറയ്ക്കുന്നതിന് ഇത് ഉത്തമമാണ്.
ആർത്തവ വേദന കുറയ്ക്കാൻ സഹായിക്കുന്നു
ആർത്തവ ദിനങ്ങളിൽ മിക്ക സ്ത്രീകളും അനുഭവപ്പെടുന്ന പ്രധാന പ്രശ്നമാണ് വയറുവേദന. ഇരട്ടിമധുരത്തിൽ വയറുവേദന കുറയ്ക്കുന്ന ആന്റിസ്പാസ്മോഡിക് അടങ്ങിയിട്ടുണ്ട്. ഇതിനാൽ ഒരു കപ്പ് ഇരട്ടിമധുര ചായ കുടിക്കുന്നത് വേദന കുറയ്ക്കാൻ സഹായിക്കുന്നു. കൂടാതെ പേശികൾക്ക് ആശ്വാസമേകാനും ഇത് നല്ലതാണ്.
പ്രതിരോധ ശേഷി വർദ്ധിപ്പിക്കാൻ സഹായിക്കുന്നു
ഇടയ്ക്കിടെ രോഗബാധിതനാകുന്ന വ്യക്തികൾക്ക് ഇരട്ടിമധുരം ഉപയോഗിക്കുന്നത് നല്ലതാണ്. രോഗപ്രതിരോധ ശേഷി ശക്തപ്പെടുത്തുന്നതിന് ഇരട്ടിമധുരം ചേർത്ത ചായ ദിനചര്യയിൽ ചേർക്കേണ്ട ഒന്നാണ്. ഇരട്ടിമധുരത്തിൽ അടങ്ങിയിരിക്കുന്ന എൻസൈമുകൾ ശരീരത്തെ അണുബാധകളിൽ നിന്നും ചെറുക്കാൻ സഹായിക്കുന്നു.
വായയുടെ ആരോഗ്യം മെച്ചപ്പെടുത്തുന്നു
ആന്റിമൈക്രോബയൽ ഗുണങ്ങൾ ധാരാളം അടങ്ങിയ ഒന്നാണ് ഇരട്ടിമധുരം. ഇത് വായയുടെ ആരോഗ്യം മെച്ചപ്പെടുത്തുന്നതിനും വായ്നാറ്റം അകറ്റുന്നതിനും സഹായിക്കുന്നു. പല്ലിൽ ഉണ്ടാകാനിടയുള്ള പോടിനും മോണ വീക്കത്തിനും കാരണമാകുന്ന ബാക്ടീരിയകളുടെ വളർച്ചയെ ഇല്ലാതാക്കാൻ സഹായിക്കുന്നു.
ഓർമ്മശക്തി വർദ്ധിപ്പിക്കുന്നു
തലച്ചോറിന്റെ കഴിവുകൾ മെച്ചപ്പെടുത്താൻ ഇരട്ടിമധുരം സഹായിക്കുന്നു. ദിനചര്യയിൽ ഇരട്ടിമധുരം ഉപയോഗിക്കുകയാണെങ്കിൽ വാർദ്ധക്യസഹജമായ ഓർമ്മശക്തി പ്രശ്നങ്ങൾക്ക് പരിഹാരമാണ്.