2024-ലെ പൊതുതിരഞ്ഞെടുപ്പിലും ബിജെപി തന്നെ വിജയിക്കുമെന്നും 375-ൽ അധികം സീറ്റുകൾ നേടുമെന്നും ബോളിവുഡ് നടൻ നാന പടേക്കർ. ബിജെപിയുടെ വരവ് എങ്ങനെയാകുമെന്ന് നമുക്ക് കാണാമല്ലോയെന്ന് പടേക്കർ പറഞ്ഞു. ബിജെപി നടത്തുന്നത് മികച്ച പ്രവർത്തനങ്ങളാണ്. 375 മുതൽ 400 വരെ സീറ്റുകൾ വരെ ബിജെപി നേടിയാലും താൻ അത്ഭുതപ്പെടില്ലെന്നും അദ്ദേഹം കൂട്ടിച്ചേർത്തു. സ്വകാര്യമാദ്ധ്യമത്തിന് നൽകിയ അഭിമുഖത്തിലാണ് അദ്ദേഹത്തിന്റെ വാക്കുകൾ.
2019-ലെ പൊതുതിരഞ്ഞെടുപ്പിൽ 303 സീറ്റുകളായിരുന്നു ബിജെപി സ്വന്തം നിലയിൽ നേടിയത്. എൻഡിഎ സ്വന്തമാക്കിയത് 400-ലധികം സീറ്റുകളും. ഇതിന് പിന്നാലെ വന്ന നിയമസഭാ തിരഞ്ഞെടുപ്പുകളിലും ബിജെപി വൻ മുന്നേറ്റമാണ് കാഴ്ചവെച്ചത്. പാർലമെന്റ് തിരഞ്ഞെടുപ്പ് പടിവാതിലിൽ എത്തി നിൽക്കെ നടന്ന അഞ്ച് സംസ്ഥാനങ്ങളിലെ തിരഞ്ഞെടുപ്പുകളിൽ മുന്നിടത്തും ബിജെപിക്ക് ആധികാരിക വിജയമാണ് ലഭിച്ചത്. ഇതും ബിജെപിക്ക് ആത്മവിശ്വാസം നൽകുന്നതാണ്.
പ്രതിപക്ഷം ഇൻഡി മുന്നണിയായി രംഗത്തുണ്ടെങ്കിലും സീറ്റ് ചർച്ചയും പ്രധാനമന്ത്രി സ്ഥാരനാർത്ഥിത്വത്തിലും ഉടക്കി നിൽക്കയാണ്. പൊതുസ്ഥാനാർത്ഥിയെ ഉയർത്തിക്കാട്ടുന്നതിൽ വന്നിട്ടുള്ള വീഴ്ചയും പ്രധാനമന്ത്രി നര്ന്ദ്ര മോദിക്ക് ലഭിക്കുന്ന സ്വീകര്യതയും വരുന്ന തിരഞ്ഞെടുപ്പിന്റെ ചിത്രം വ്യക്തമാക്കുകയാണ്.