അഭിമുഖങ്ങളിലൂടെ സമൂഹമാദ്ധ്യമങ്ങളിൽ എപ്പോഴും നിറയുന്ന നടനാണ് ബാല. ആദ്യ വിവാഹ ബന്ധം വേർപ്പെടുത്തിയതിന് പിന്നാലെ ബാല രണ്ടാമത് വിവാഹം കഴിച്ചിരുന്നു. എന്നാൽ, രണ്ടാം ഭാര്യ എലിസബത്തിനെ താരത്തിനൊപ്പം ഇപ്പോൾ കാണാറില്ല. ഇതിനെ തുടർന്ന്, ഇരുവരും പിരിഞ്ഞോ എന്ന ചോദ്യവുമായി ആരാധകർ രംഗത്തവന്നിരുന്നു. ഒരു അഭിമുഖത്തിനിടയിൽ ആ ചോദ്യത്തിനുള്ള മറുപടി നൽകുകയാണ് ബാല.
‘എലിസബത്ത് ഇപ്പോൾ എന്റെ കൂടെയില്ല. ആരുമായും എലിസബത്തിനെ താരതമ്യം ചെയ്യരുത്. ഒരു അഭിമുഖത്തിലും എലിസബത്തിനെ കുറിച്ച് പറയാൻ ഞാൻ തയ്യാറായിട്ടില്ല. ഒരേയൊരു വാക്ക് ഇപ്പോള് പറയാം. എലിസബത്ത് തങ്കമാണ്, ശുദ്ധമായ ക്യാരക്ടറാണ്. ഇപ്പോള് എന്റെ കൂടെയില്ല. ഞാനും അവളുടെ കൂടെയില്ല. തന്റെ വിധിയാണ് എല്ലാം.
അവളുടെ ക്യാരക്ടറുള്ള മറ്റൊരു പെണ്ണിനെ ഞാൻ കണ്ടിട്ടില്ല. ഇതിന്റെ മുകളിൽ ഒന്നും ചോദിക്കരുത്. ഞാൻ മരിച്ചാലും ഒരു കുറ്റവും അവളെ കുറിച്ച് ഞാൻ പറയില്ല. ഞാൻ കഷ്ടപ്പെട്ടപ്പോൾ എന്റെ ഒപ്പമുണ്ടായിരുന്നവളാണ്. എലിസബത്ത് എപ്പോഴും ഹാപ്പിയായി ഇരിക്കണം.’- ബാല പറഞ്ഞു.
