ചെന്നൈ: നടനും രാഷ്‌ട്രീയ പ്രവർത്തകനുമായ വിജയകാന്തിന്റെ വിയോഗത്തിൽ അനുശോചനമറിയിച്ച് നടൻ സൂര്യ. സമൂഹമാദ്ധ്യമമായ എക്സിലൂടെയാണ് അദ്ദേഹം അനുശോചനം അറിയിച്ചത്. വിജയകാന്തിന്റെ വിയോഗ വാർത്ത മാനസികമായി തന്നെ തളർത്തിയിരിക്കുകയാണെന്ന് സൂര്യ പറഞ്ഞു.
அவருடன் பணியாற்றிய, பேசிப்பழகிய, சேர்ந்து சாப்பிட்ட நாட்கள் மறக்க முடியாதவை…
யார் என்ன கேட்டாலும் இல்லை என்று அவர் சொன்னதே இல்லை..
கடைக்கோடி மக்கள் வரை உதவி செய்து புரட்சிக் கலைஞனாக உயர்ந்த அண்ணன் விஜயகாந்த் அவர்களின் மறைவிற்கு ஆழ்ந்த இரங்கல்!! pic.twitter.com/PHeqHNG3uk
— Suriya Sivakumar (@Suriya_offl) December 28, 2023
‘എല്ലാവരോടും കരുണയോടെ പെരുമാറിയിരുന്ന വ്യക്തിയായിരുന്നു വിജയകാന്ത്. എല്ലാവർക്കും സഹായം ചെയ്തിരുന്ന നേതാവായും എല്ലാവരുടെയും ക്യാപ്റ്റനായുമെല്ലാം നമ്മുടെ മനസ്സിൽ അദ്ദേഹം സ്ഥാനം നേടിയിരുന്നു. വിജയകാന്തിന്റെ ആത്മശാന്തിക്കായി ഞാൻ ദൈവത്തോട് പ്രാർത്ഥിക്കുന്നു. അദ്ദേഹത്തിന്റെ കുടുംബാഗങ്ങളോടും ആരാധകരോടും ഞാൻ എന്റെ അനുശോചനം അറിയിക്കുന്നു’. എന്നായിരുന്നു സൂര്യയുടെ വാക്കുകൾ. എക്സിൽ പങ്കുവച്ച വീഡിയോയിലൂടെയാണ് അദ്ദേഹം അനുശോചനം അറിയിച്ചത്.
‘അദ്ദേഹത്തോടൊപ്പം ഉണ്ടായിരുന്ന ദിവസങ്ങൾ മറക്കാൻ കഴിയുന്നതല്ല. എന്ത് സഹായം ചോദിച്ചാലും ഇല്ല എന്ന് പറയാറില്ല. കോടിക്കണക്കിന് ജനങ്ങൾക്ക് തുണയായി നിന്ന വിജയകാന്തിന്റെ നിര്യാണത്തിൽ അനുശോചനം രേഖപ്പെടുത്തുന്നു എന്ന് എക്സിൽ പങ്കുവച്ച കുറിപ്പിൽ സൂര്യ പറഞ്ഞു.
