വളരെ നല്ലൊരു മനസ്സിനുടമയായിരുന്നു വിജയകാന്ത്; പ്രിയ സുഹൃത്തിനെ അവസാനമായി കാണാൻ രജനികാന്ത് എത്തി

നടനും രാഷ്‌ട്രീയ നേതാവുമായ വിജയകാന്തിന് അന്തിമോപചാരമർപ്പിക്കാനെത്തി രജനികാന്ത്. ഐലന്റ് ഗാർഡനിൽ നടന്ന പൊതുദർശന ചടങ്ങിലെത്തിയാണ് അദ്ദേഹം പ്രിയ സുഹൃത്തിനെ അവസാനമായി കണ്ടത്.

വളരെ നല്ലൊരു മനസ്സിനുടമയായിരുന്നു വിജയകാന്തെന്ന് രജനികാന്ത് അനുസ്മരിച്ചു. എന്നാൽ അടുത്ത കാലത്തായി അദ്ദേഹത്തെ അസുഖബാധിതനും ക്ഷീണിതനുമായാണ് കണ്ടത്. അദ്ദേഹം ശക്തമായി തിരിച്ചുവരുമെന്നാണ് വിശ്വസിച്ചിരുന്നത്. ഒരുപാട് നല്ല കാര്യങ്ങൾ അദ്ദേഹം തമിഴ്‌നാട്ടിലെ ജനങ്ങൾക്കായി ചെയ്തിട്ടുണ്ട്. വിജയകാന്തിന്റെ ആത്മാവിന് നിത്യശാന്തി ലഭിക്കട്ടെയെന്നും രജനികാന്ത് കൂട്ടിച്ചേർത്തു.

#WATCH | Tamil Nadu: Actor Rajinikanth pays tribute to DMDK chief and Actor Captain Vijayakanth at Island ground, Anna Salai in Chennai.

DMDK chief Captain Vijayakanth passed away at a hospital in Chennai yesterday. pic.twitter.com/EcZZ6eR7wm

— ANI (@ANI) December 29, 2023

പുതിയ ചിത്രമായ വേട്ടയാന്റെ ഷൂട്ടിംഗ് നിർത്തിവച്ച ശേഷമാണ് രജനികാന്ത് ചെന്നൈയിലെത്തിയത്. വിജയകാന്തിനോടുള്ള ആദരസൂചകമായി ഇന്ന് തമിഴ് സിനിമകളുടെ ചിത്രീകരണം പൂർണ്ണമായും നിർത്തിവെച്ചിരിക്കുകയാണ്.

ഇന്നലെ രാവിലെയാണ് കൊറോണ ബാധയെ തുടർന്ന് വിജയകാന്ത് മരിച്ചത്. ചെന്നൈയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം.