ചെന്നൈ: തിരുനെൽവേലിയിൽ വിജയ് പങ്കെടുത്ത പരിപാടിയിൽ തിക്കിലും തിരക്കിലും പെട്ട് ആറോളം പേർക്ക് പരിക്ക്. രണ്ട് സ്ത്രീകളടക്കം ആറ് പേർക്കാണ് പരിക്കേറ്റത്. പ്രളയബാധിതര്ക്ക് സഹായം നൽകാനായി കഴിഞ്ഞ ദിവസം തിരുനെല്വേലി കെഡിസി നഗറിലുള്ള സ്വകാര്യ ഹാളില് നടന്ന പരിപാടിയിലാണ് സംഭവം.
അവശ്യ സാധനങ്ങൾ അടങ്ങിയ കിറ്റ് വിജയ് നേരിട്ടെത്തി വിതരണം ചെയ്യുകയായിരുന്നു. പരിപാടി കഴിഞ്ഞ് ഇറങ്ങിയ സമയത്ത് ഫോട്ടോ എടുക്കുന്നതിനായി ജനങ്ങൾ കൂടിയതാണ് അപകടത്തിന് കാരണമായത്. ആരുടെയും പരിക്ക് ഗുരുതരമല്ലെന്നാണ് ആശുപത്രിയിൽനിന്നും ലഭിക്കുന്ന വിവരം.
പ്രളയത്തിൽ വീടുകൾ തകർന്നവർക്ക് 10,000 രൂപയും, വീട് പൂര്ണമായും നശിച്ചവര്ക്ക് 50,000 രൂപയുമാണ് വിജയ് നൽകിയത്. ഇതിന് പുറമെ ഭക്ഷണ സാധനങ്ങളും മരുന്നുകളും മറ്റ് അവശ്യ വസ്തുക്കളും വിതരണം ചെയ്തു. എന്നാൽ, ഇത് നടന്റെ രാഷ്ട്രീയ പ്രവേശനത്തിന് മുന്നോടിയായിട്ടുള്ള ഒരുക്കങ്ങളെന്ന അഭിപ്രായങ്ങളും ഉയരുന്നുണ്ട്.
