ദിസ്പൂർ: അയോദ്ധ്യ രാമക്ഷേത്രം രാഷ്ട്രീയ വിഷയമല്ലെന്ന് പ്രതിരോധ മന്ത്രി രാജ്നാഥ് സിംഗ്. അയോദ്ധ്യ രാമക്ഷേത്രം രാജ്യത്തിന്റെ സംസ്കാരത്തിന്റെ വിഷയമാണെന്നും അദ്ദേഹം പറഞ്ഞു. ദിസ്പൂർ സർവകലാശാലയുടെ 21-ാമത് ബിരുദദാന ചടങ്ങിൽ സംസാരിക്കുകയായിരുന്നു അദ്ദേഹം.
2027 ഓടെ ലോകത്തിലെ ഏറ്റവും വലിയ സാമ്പത്തിക ശക്തിയായി ഭാരതം മാറും. 2047-ൽ രാജ്യം ലോകത്തിലെ തന്നെ ഏറ്റവും വലിയ സാമ്പത്തിക ശക്തിയാകും. യുവാക്കളുടെ
കഴിവുകൾ വർദ്ധിപ്പിക്കുന്നതിന് ഞങ്ങൾ സ്റ്റാർട്ടപ്പ് സംസ്കാരവും ഇന്നൊവേഷൻ ഇക്കോസിസ്റ്റവും പ്രോത്സാഹിപ്പിക്കുന്നു. ഇന്ന് ഞങ്ങൾക്ക് ഒരു ലക്ഷത്തിലധികം സ്റ്റാർട്ടപ്പുകളുണ്ട്.
പുതിയ ഇന്ത്യ എന്ന സ്വപ്ന സാക്ഷാത്കാരത്തിന് യുവാക്കളുടെ പങ്ക് നിർണായകമാണ്. യുവാക്കളിൽ നിന്നും വിദ്യാർത്ഥികളിൽ നിന്നും ഒരുപാട് പഠിക്കാനുണ്ട്. നമ്മുടെ യുവാക്കൾക്ക് പുതിയ ചിന്താഗതകളുണ്ട്. പുതിയ ആശയങ്ങളുണ്ട്. രാജ്യം വികസിത രാഷ്ട്രമാകണമെങ്കിൽ എല്ലാവരും ഒറ്റക്കെട്ടായി പ്രവർത്തിക്കണം. പ്രധാനമന്ത്രി നരേന്ദ്രമോദിയുടെ നേതൃത്വത്തിൽ ഇന്ത്യ ഇന്ന് വികസനത്തിലൂടെ ഉയരങ്ങൾ കൈവരിക്കുകയാണെന്നും രാജ്നാഥ് സിംഗ് പറഞ്ഞു.
