അഹമ്മദാബാദ്: നഗരത്തിലെ അടിസ്ഥാന സൗകര്യ പദ്ധതികൾക്ക് രാമായണവുമായി ബന്ധപ്പെട്ട പേരുകൾ നൽകി അഹമ്മദാബാദ് മുനിസിപ്പൽ കോർപ്പറേഷൻ . അയോദ്ധ്യ രാമക്ഷേത്ര സമർപ്പണത്തിന് മുന്നോടിയായാണ് പുതിയ തീരുമാനം . എഎംസി കോർപ്പറേറ്റർമാരായ വിജയ് പഞ്ചാലും ദശരത് പട്ടേലുമാണ് ഈ നിർദ്ദേശം മുന്നോട്ട് വച്ചത്
ഒധവിൽ, ഗുജറാത്ത് ഇൻഡസ്ട്രിയൽ ഡെവലപ്മെന്റ് കോർപ്പറേഷന്റെ എസ്റ്റേറ്റിന് സമീപമുള്ള പാർട്ടി പ്ലോട്ടിന് ശ്രീറാം വതിക എന്നാണ് പേര് നൽകിയത് . ശിവദർശൻ സൊസൈറ്റിക്ക് സമീപമുള്ള ഗാർഡന് ‘ശ്രീ ശബരി വാതിക എന്നും ഓധവ് ഗ്രാമത്തിലുള്ള ഗാർഡന് ‘ശ്രീ അയോധ്യ വനം’ എന്നും പേര് നൽകി .രാമായണത്തെ അനശ്വരമാക്കിയ മഹർഷിയെ ആദരിച്ചുകൊണ്ട് പുതുതായി നിർമ്മിച്ച ലൈബ്രറിയ്ക്ക് ‘ശ്രീ വാൽമീകി ഋഷി’ എന്ന പേര് നൽകി. ഒധവ് ഗ്രാമത്തിലെ പുതുതായി പുനരുജ്ജീവിപ്പിച്ച തടാകത്തിന് ‘ലവ്-കുഷ് സരോവർ’ എന്ന് പേരിട്ടു.
വിരാട്നഗർ വാർഡിൽ, പുതുതായി നിർമ്മിച്ച മൂന്ന് പാലങ്ങൾക്ക് ‘ശ്രീരാമ സേതു,’ ‘ശ്രീ രാമരാജ്യ’, ‘ശ്രീ ലക്ഷ്മൺ പാലം’ എന്നിങ്ങനെയാണ് പേര് നൽകിയത് . തിരക്കേറിയ കുവര സർക്കിൾ ‘ശ്രീ കേസരി നന്ദൻ ചൗക്ക്’ എന്ന് പുനർനാമകരണം ചെയ്തു .
