ബ്ലാക്ക് പാന്തർ സീരീസ് താരം ക്യാരി ബെര്നന്സിന് വാഹനാപകടത്തിൽ പരിക്ക്. കാറിടിച്ചായിരുന്നു പരിക്കേറ്റത്. മാൻഹട്ടനിലെ ഒരു റസ്റ്റോറന്റിൽ പുറത്തിരുന്ന് ഭക്ഷണം കഴിക്കുന്നതിനിടെ നിയന്ത്രണം വിട്ടുവന്ന കാർ ഇടിച്ചാണ് താരത്തിന് അപകടം സംഭവിച്ചത്. ക്യാരി ബെര്നന്സിന്റെ തലയ്ക്കും താടിയെല്ലിനുമാണ് ഗുരുതരമായി പരിക്കേറ്റത്.
നടിക്ക് പുറമെ റസ്റ്റോറന്റിൽ ഉണ്ടായിരുന്ന ഒൻപതോളം പേർക്കും പരിക്കേറ്റിട്ടുണ്ട്. സംഭവത്തിന് പിന്നാലെ പോലീസ് സ്ഥലത്തെത്തി കാര് ഡ്രൈവറെ അറസ്റ്റ് ചെയ്തു. പരിക്കേറ്റവരെ സമീപത്തുള്ള ആശുപത്രിയിലും പ്രവേശിപ്പിച്ചിട്ടുണ്ട്.
ക്യാരി കുഞ്ഞിന് ജന്മം നൽകിയിട്ട് മാസങ്ങൾ കഴിയുന്നതേയുള്ളൂ. എന്നാൽ, അപകടം നടന്ന ദിവസം ക്യാരി കുഞ്ഞിനെ പുറത്ത് കൊണ്ട് പോയിരുന്നില്ല. നടിയുടെ ആരോഗ്യസ്ഥിതി ഇപ്പോൾ മെച്ചപ്പെട്ടിട്ടുണ്ടെന്നാണ് ആശുപത്രി അധികൃതർ അറിയിച്ചത്.
