പ്രചരിക്കുന്നതെല്ലാം വ്യാജവാർത്തകൾ; വാലിബനെ കുറിച്ചുള്ള നിർണായക വിവരം പങ്കുവച്ച് സിനിമാ നിരൂപകൻ ശ്രീധർ പിള്ള

പ്രതീക്ഷകൾ വാനോളമുയർത്തി ആരാധകർക്കിടിയിൽ ആവേശം ഉയർത്താൻ എത്തുന്ന മോഹൻലാൽ ചിത്രമാണ് മലൈക്കോട്ടൈ വാലിബൻ. ജനുവരി 25-നാണ് ചിത്രം പ്രദർശനത്തിനെത്തുന്നത്. ലിജോ ജോസ് പെല്ലിശ്ശേരി സംവിധാനം ചെയ്യുന്ന ചിത്രമായതിനാൽ തന്നെ ആരാധകരെല്ലാം ആകാംക്ഷയിലാണ്.

ചിത്രത്തിന്റെ ദൈർഘ്യത്തെ പറ്റി ചില വാർത്തകൾ ഇതിനു മുമ്പ് വന്നിരുന്നു. രണ്ട് മണിക്കൂർ ഏഴ് മിനിറ്റാണ് ചിത്രത്തിന്റെ ദൈർഘ്യമെന്നും ഹിന്ദി പതിപ്പിന്റെ സെൻസറിംഗ് പൂർത്തിയായെന്നും തരത്തിലുള്ള വാർത്തകളാണ് വന്നിരുന്നത്. എന്നാൽ ഈ വാർത്തകൾ വ്യാജമാണെന്ന് തെളിഞ്ഞിരിക്കുകയാണ്.

എഴുത്തകാരനും സിനിമാ നിരൂപകനുമായ ശ്രീധർ പിള്ളയാണ് ഇക്കാര്യം അറിയിച്ചത്. സമൂഹമാദ്ധ്യമമായ എക്‌സിലൂടെയാണ് അദ്ദേഹം സിനിമയുടെ ദൈർഘ്യത്തെ കുറിച്ചും സെൻസറിംഗ് വിവരങ്ങളെ കുറിച്ചും പറഞ്ഞത്.

‘ മലൈക്കോട്ടൈ വാലിബന്റെ മലയാളം പതിപ്പിന്റെ സെൻസറിംഗ് ഇതുവരെ പൂർത്തിയായിട്ടില്ല. ചിത്രത്തിന്റെ ഒരു പതിപ്പും ഇതുവരെ സെൻസറിംഗ് ചെയ്തിട്ടില്ലായെന്നാണ് നിർമ്മാതാക്കൾ അറിയിക്കുന്നത്. റിലീസിനോടടുത്ത് മാത്രമേ മലയാളം പതിപ്പ് സെൻസറിംഗ് പൂർത്തിയാക്കൂ. 2 മണിക്കൂർ 37 മിനിറ്റ് ആയിരിക്കാം ചിത്രത്തിന്റെ ദൈർഘ്യം’. ശ്രീധർ പിള്ള എക്‌സിൽ കുറിച്ചു.

#MalaikottaiVaaliban original #Malayalam version yet to be censored!

Producers deny any version of the film has been censored!

As of now only Malayalam version will be censored close to release.

The run time is likely to be 2 hours 37 minutes!

Release Jan 25. @Mohanlal… pic.twitter.com/oR9kAnlwCb

— Sreedhar Pillai (@sri50) January 6, 2024

ചിത്രത്തിന്റെ ടീസറിനും, ഗാനത്തിനുമെല്ലാം ആരാധകർക്കിടയിൽ മികച്ച സ്വീകാര്യതയാണ് ലഭിച്ചിട്ടുള്ളത്. മോഹൻലാലിനൊപ്പം സൊണാലി കുൽക്കർണി, ഹരീഷ് പേരടി, കഥ നന്ദി, മണിക്ഠൻ ആചാരി എന്നിവരും ചിത്രത്തിൽ വേഷമിടുന്നുണ്ട്.