പാലക്കാട്: ജില്ലയിൽ വിവിധയിടങ്ങളിലായി എക്സൈസ് നടത്തിയ പരിശോധനയിൽ 12 കിലോ കഞ്ചാവ് പിടികൂടി. അഗളി, തൃത്താല എന്നിവിടങ്ങളിൽ നടത്തിയ പരിശോധനയിലാണ് കഞ്ചാവ് പിടികൂടിയത്.
അഗളിയിൽ നിന്നും 10 കിലോയും തൃത്താലയിൽ നിന്നും രണ്ട് കിലോയുമാണ് പിടികൂടിയത്. പെട്ടിക്കൽ സ്വദേശികളായ രജീഷ് (39), അഖിലേഷ് (20) എന്നിവരിൽ നിന്നും നിന്നാണ് പിടിച്ചെടുത്തത്. ഇവർ ഉപേക്ഷിച്ച കാറിൽ നിന്നാണ് എക്സൈസ് സംഘം 8 കിലോ കഞ്ചാവ് കണ്ടെത്തിയത്.
തൃത്താലയിൽ രണ്ട് അസം സ്വദേശികളിൽ നിന്നാണ് രണ്ട് കിലോ പിടികൂടിയത്. ബൈക്കിൽ കൊണ്ടുവരുന്നതിനിടെയാണ് ഇവർ പിടിയിലായത്. മിറാസുൽ ഇസ്ലാം(23), റസീതുൽ ഇസ്ലാം(22) എന്നിവരാണ് പിടിയിലായത്.
