മഞ്ഞിൽ കുളിച്ചുള്ള പാതകളിലൂടെ ഒരു യാത്ര നടത്താൻ ആഗ്രഹമുള്ളവരായിരിക്കും നമ്മിൽ ബഹുഭൂരിപക്ഷം ആളുകളും. ദേവദാരു വൃക്ഷങ്ങളിക്കിടലൂടെ പ്രകൃതിയെ തൊട്ടറിഞ്ഞ് യാത്ര ചെയ്യാൻ നിങ്ങൾക്ക് ആഗ്രഹമുണ്ടോ? എങ്കിൽ വേഗം തയ്യാറായിക്കോളൂ.. ഇന്ത്യയിലെ മിനി ഇസ്രായേൽ എന്നറിയപ്പെടുന്ന ധരംകോട്ടിലെ ടെൽ അവീവ് ഓഫ് ഹിൽസ് നിങ്ങളെ സ്വാഗതം ചെയ്യുന്നു..
ഹിമാചൽപ്രദേശിലെ മക്ലിയോഡ്ഗഞ്ചിലെ കാൻഗ്ര താഴ്വരയ്ക്കടുത്തുള്ള മനോഹരമായ പ്രദേശമാണ് ധരംകോട്ട്. ടിബറ്റൻ പാരമ്പര്യത്തിനും ബുദ്ധമതത്തിനും പേരുകേട്ട ഇവിടം മഞ്ഞിനാൽ മൂടപ്പെട്ടിരിക്കുന്നു. ധരംകോട്ടിലെ മിനി ഇസ്രായേൽ എന്നറിയപ്പെടുന്ന സ്ഥലമാണ് ടെൽ അവീവ് ഓഫ് ഹിൽസ്. ഇസ്രായേലിയൻ വിഭവങ്ങൾ വിളമ്പുന്ന ചന്ദാബാദ് റസ്റ്റോറന്റുകൾ പോലുള്ള ഭക്ഷണ ശാലകളാണ് ഇവിടുത്തെ പ്രത്യേകത. ഉയരം കൂടിയ ദേവദാരു വ്യക്ഷണങ്ങൾക്കിടയിൽ സ്ഥിതി ചെയ്യുന്ന ഈ ഗ്രാമം രത്നക്കല്ലുകളുടെ വിൽപ്പനയ്ക്കും കല-സാംസ്കാരിക പൈതൃകത്തിനും പേരുകേട്ടയിടമാണ്. ഹീബ്രു ആണ് ഇവിടുത്തെ പ്രധാന ഭാഷ.
പ്രശാന്ത സുന്ദരമായ ധരംകോട്ടിലെ ഗല്ലു ദേവി ക്ഷേത്രവും ഇവിടെയെത്തുന്ന വിനോദസഞ്ചാരികളെ സ്വാഗതം ചെയ്യുന്നു. സഞ്ചാരികൾക്കായുള്ള ട്രെക്കിംഗ് ആരംഭിക്കുന്നത് ഇവിടെ നിന്നാണ്. കാടുകളെ അറിഞ്ഞുള്ള യാത്രകൾ പ്രദാനം ചെയ്യുന്ന ധരംകോട്ടിൽ നിങ്ങളുടെ അവധിക്കാലം മഞ്ഞുപെയ്യുന്ന മലമുകളിലെ സൂര്യോദയം കണ്ടോ, കളകളം പാടിയൊഴുകുന്ന കാട്ടാറിൽ നീന്തിക്കുളിച്ചോ ആഘോഷമാക്കാം..