കോഴിക്കോട്: സമസ്തയുടെ പണ്ഡിതന്മാരെ ബുദ്ധിമുട്ടിക്കാൻ വരുന്നവരുടെ കൈവെട്ടുമെന്ന ഭീഷണിയുമായി എസ്കെഎസ്എസ്എഫ് നേതാവ് സത്താര് പന്തല്ലൂര്. സമസ്തയുടെ നേതാക്കളെ കൊച്ചാക്കാൻ ശ്രമിച്ചാൽ അവരെ ഇരുത്തേണ്ടിടത്ത് ഇരുത്തുമെന്നും സത്താർ പന്തല്ലൂർ പറഞ്ഞു. മലപ്പുറത്ത് നടന്ന മുഖദ്ദസ് സന്ദേശ യാത്ര സമാപന റാലിയിലാണ് എസ്കെഎസ്എസ്എഫ് നേതാവിന്റെ പ്രകോപനപരമായ പരാമർശം.
മസ്ത മുശാവറ ഒരു തീരുമാനം എടുത്താല് അത് അംഗീകരിക്കണം അല്ലാത്തവരെ സമസ്തയ്ക്കും ആവശ്യമില്ല. ഒരു സംഘടനയുടെയും വിരുദ്ധരല്ല ഞങ്ങളുടെ പ്രവർത്തകരെന്നും സത്താർ പറഞ്ഞു. സമസ്ത അണികൾ സത്താര് പന്തല്ലൂരിന്റെ പ്രസംഗത്തെ വളരെ ആവേശത്തോടെയാണ് സ്വീകരിച്ചിരിക്കുന്നത്. എന്നാൽ, സത്താറിനെതിരെ സമൂഹമാദ്ധ്യമങ്ങളിലടക്കം വൻ വിമർശനങ്ങളാണ് ഉയർന്നിരിക്കുന്നത്.
