സലാർ കളക്ഷനിൽ കുതിക്കുന്നതിനിടെ പ്രഭാസിന്റെ അത്യുഗ്രം ഫസ്റ്റ്ലുക്ക് പോസ്റ്റർ പുറത്ത്. പ്രഭാസ് നായകനായെത്തുന്ന രാജാ സാബിന്റെ ഫസ്റ്റ് ലുക്ക് പോസ്റ്ററാണ് റിലീസ് ചെയ്തത്. പൊങ്കൽ സംക്രാന്തി ദിനത്തോടനുബന്ധിച്ചാണ് ചിത്രത്തിന്റെ പുതിയ അപ്ഡേഷൻ പുറത്തുവിട്ടിരിക്കുന്നത്. പ്രഭാസ് തന്നെയാണ് സമൂഹമാദ്ധ്യമത്തിലൂടെ ഫസ്റ്റ്ലുക്ക് പോസ്റ്റർ പങ്കുവച്ചത്.
കറുത്ത ഷർട്ടും ധോത്തിയും ധരിച്ച് തെരുവിലൂടെ നടന്നുവരുന്ന ചിത്രമാണ് ഫസ്റ്റ്ലുക്ക് പോസ്റ്ററിലുള്ളത്. ആഘോഷമാണെന്ന് തോന്നിക്കുന്ന താരത്തലുള്ള അതിമനോഹരമായ പശ്ചാത്തലമാണ് പോസ്റ്ററിൽ കാണുന്നത്. “ഈ ഉത്സവ സീസണിൽ രാജാ സാബിന്റെ ഫസ്റ്റ് ലുക്ക് നിങ്ങൾക്ക് മുന്നിൽ അവതരിപ്പിക്കുകയാണ്. നിങ്ങൾക്കെല്ലാവർക്കും പൊങ്കൽ ആശംസകളെന്ന് പ്രഭാസ് പോസ്റ്റർ പങ്കുവച്ച് കൊണ്ട് ഇൻസ്റ്റഗ്രാമിൽ കുറിച്ചു.
മാരുതി ദാസരിയുടെ സംവിധാനത്തിലൊരുങ്ങുന്ന ചിത്രമാണ് രാജാ സാബ്. പീപ്പിൾ മീഡിയ ഫാക്ടറിയുടെ ബാനറിൽ ടിജി വിശ്വ പ്രസാദാണ് ചിത്രം നിർമ്മിക്കുന്നത്. റൊമാന്റിക് ഹൊറർ ചിത്രമാണിതെന്ന് മാരുതി നേരത്തെ വെളിപ്പെടുത്തിയിരുന്നു. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലാണ് രാജാ സാബ് റിലീസ് ചെയ്യുന്നത്.
