ന്യൂഡൽഹി: റിപ്പബ്ലിക് ദിനാഘോഷത്തിന്റെ ഭാഗമായി അതിർത്തിയിൽ അധികസുരക്ഷ ഏർപ്പെടുത്തി ബിഎസ്എഫ്. വരുന്ന 15 ദിവസത്തേക്ക് ഇന്ത്യാ-പാക് അതിർത്തിയിൽ ഓപ്പറേഷൻ സർദ് ഹവാ എന്ന പേരിലാണ് സുരക്ഷ വർദ്ധിപ്പിച്ചിരിക്കുന്നത്. ജമ്മുകശ്മീർ, പഞ്ചാബ്, രാജസ്ഥാൻ, ഗുജറാത്ത് എന്നീ സംസ്ഥാനങ്ങളുടെ അതിർത്തിയിൽ പ്രത്യേക ജാഗ്രത പാലിക്കണണെന്ന് നിർദ്ദേശം നൽകിയിട്ടുണ്ട്. ഇതിന്റെ ഭാഗമായി അതിർത്തിയിൽ കൂടുതൽ സുരക്ഷാ ഉദ്യോഗസ്ഥരെ വിന്യസിക്കും. എല്ലാ വർഷവും ജനുവരി 26-നോട് അടുക്കുന്ന വേളയിൽ അതിർത്തിയിൽ സുരക്ഷ വർദ്ധിപ്പിക്കുന്നത് പതിവാണ്. ഇത്തവണ അയോദ്ധ്യാ രാമക്ഷേത്രത്തിന്റെ പ്രാണപ്രതിഷ്ഠാ ചടങ്ങ് നടക്കുന്ന വേളയിലാണ് റിപ്പബ്ലിക് ദിനാഘോഷം നടക്കുന്നതെന്ന പ്രത്യേകതയുണ്ട്.
