റിപ്പബ്ലിക് ദിനത്തോടനുബന്ധിച്ച് കിടിലൻ ഓഫറുകളുമായി റിലയൻസ് ജിയോ. പരിമിതകാല പ്രീപെയ്ഡ് പ്ലാനാണ് ജിയോ പ്രഖ്യാപിച്ചത്. 2,999 രൂപയുടെ വാർഷിക പ്ലാൻ, 230 രൂപയുടെ പ്ലാൻ എന്നിവയിലാണ് ഓഫറുകൾ ലഭിക്കുക.
365 ദിവസത്തേക്ക് അൺലിമിറ്റഡ് കോൾ, പ്രതിദിനം 2.5 ജിബി ഡേറ്റാ എന്നിവയാണ് 2,999 രൂപയുടെ വാർഷിക പ്ലാനിൽ സാധാരണയായി ലഭിച്ചിരുന്നത്. റിപ്പബ്ലിക് ദിന ഓഫറിന്റെ ഭാഗമായി സ്വിഗ്ഗി, അജിയോ കൂപ്പണുകൾ, ഇക്സിഗോ വഴിയുള്ള വിമാന ടിക്കറ്റുകളിൽ കിഴിവുകൾ, റിലയൻസ് ഡിജിറ്റലിലെ തിരഞ്ഞെടുത്ത ഉത്പന്നങ്ങൾക്ക് പത്ത് ശതമാനം കിഴിവ് എന്നിവയും ലഭിക്കും. ജനുവരി 15-നും 30-നും ഇടയിലാണ് ആനുകൂല്യങ്ങൾ ലഭിക്കുക.
My Jio ആപ്പ് വഴി 230 രൂപയുടെ പ്രതിമാസ റീചാർജ് പ്ലാൻ ചെയ്യുന്നവർക്കും വിവിധ ആനുകൂല്യങ്ങൾ ലഭിക്കും. പുതിയ റീചാർജ് പ്ലാൻ അല്ലെങ്കിലും റിപ്പബ്ലിക് ദിന ഓഫറിന് കീഴിൽ ജിയോ പരിമിത കാലത്തേക്ക് അധിക ആനുകൂല്യങ്ങൾ വാഗ്ദാനം ചെയ്യുന്നുണ്ട്. പ്രതിദിനം 100 എസ്എംഎസ്, ജിയോ സിനിമ സബ്സ്ക്രിപ്ഷൻ, റിലയൻസ് ഡിജിറ്റലിൽ തിരഞ്ഞെടുത്ത ഉത്പന്നങ്ങൾക്ക് 10 ശതമാനം കിഴിവ് എന്നിവ അധിക ആനുകൂല്യമായി ലഭിക്കും.
125 രൂപ വിലയുള്ള രണ്ട് സ്വിഗ്ഗി കൂപ്പണുകലാകും ലഭിക്കുക. 299 രൂപയ്ക്ക് മുകളിലുള്ള ഓർഡറുകൾക്ക് റിഡീം ചെയ്യാവുന്നതാണ്. ഇക്സിഗോ കൂപ്പണും വാഗ്ദാനം ചെയ്യുന്നുണ്ട്. ജിയോയുടെ റിപ്പബ്ലിക് ദിന ഓഫറിൽ 2,499 രൂപയിൽ കൂടുതൽ വിലയുള്ള സാധനങ്ങൾ വാങ്ങുമ്പോൾ 500 രൂപയുടെ അജിയോ ഡിസ്കൗണ്ട് കൂപ്പണും ലഭിക്കും. വിവിധ ഒടിടി സബ്സ്ക്രിപ്ഷൻ പ്ലാനുകളും ലഭിക്കും.