ന്യൂഡൽഹി: പ്രധാനമന്ത്രിയുടെ സ്വച്ഛത അഭിയാൻ ക്യാമ്പയിൻ ഏറ്റെടുത്ത് ബിജെപി എംപിയും മുൻ ക്രിക്കറ്റ് താരവുമായ ഗൗതം ഗംഭീർ. ഡൽഹിയിലെ കരോൾബാഗിൽ എത്തിയ അദ്ദേഹം ശിവമന്ദിരവും ക്ഷേത്ര പരിസരവും വൃത്തിയാക്കി. അതീവ ജാഗ്രതയോടെ അദ്ദേഹം ക്ഷേത്ര പരിസരം വൃത്തിയാക്കുന്നതിന്റെ ദൃശ്യങ്ങൾ നിമിഷനേരങ്ങൾക്കുള്ളിലാണ് സമൂഹ മാദ്ധ്യമങ്ങൾ ഏറ്റെടുത്തത്.
#WATCH | Delhi | BJP MP and former Cricketer Gautam Gambhir cleans the premises of Shiv Mandir in Karol Bagh as part of the cleanliness drive. pic.twitter.com/HGumv9iHRf
— ANI (@ANI) January 17, 2024
അയോദ്ധ്യയിലെ പ്രാണ പ്രതിഷ്ഠാ ചടങ്ങിന് മുന്നോടിയായി ക്ഷേത്രങ്ങളും ക്ഷേത്ര പരിസരങ്ങളും വൃത്തിയാക്കുന്ന ക്യാമ്പയിൻ ഏവരും ഏറ്റെടുക്കണമെന്ന് പ്രധാനമന്ത്രി നരേന്ദ്രമോദി ആഹ്വാനം ചെയ്തിരുന്നു. രാജ്യത്തെ വിവിധ ഭാഗങ്ങളിൽ നിന്നായി നാനാ മതസ്ഥർ ക്ഷേത്ര പരിസരങ്ങൾ വൃത്തിയാക്കുന്നതിന്റെ ദൃശ്യങ്ങൾ ഇതിനോടകം തന്നെ സമൂഹ മാദ്ധ്യമങ്ങളിൽ വൈറലാണ്. പ്രധാനമന്ത്രിയുടെ ആഹ്വാനം ജനങ്ങൾ ഏറ്റെടുത്തതിന്റെ തെളിവാണ് ദൃശ്യങ്ങളിലൂടെ കാണുന്നതെന്ന തരത്തിലുള്ള നിരവധി അഭിപ്രായങ്ങളും വിവിധ വീഡിയോകൾക്ക് ലഭിച്ചിരുന്നു. ജനുവരി 14 മുതലാണ് സ്വച്ഛതാ അഭിയാൻ ക്യാമ്പയിന് പ്രധാനമന്ത്രി തുടക്കം കുറിച്ചത്.