കേന്ദ്ര സർക്കാർ ജോലി സ്വപ്നം കാണുന്നവർക്ക് സുവർണാവസരം. പ്രതിരോധ വകുപ്പിന് കീഴിൽ ഇന്ത്യൻ ആർമി സർവീസ് കോർപ്സ് (ASC) സെന്ററിൽ സൗത്ത് ഗ്രൂപ്പ് സിയിൽ 71 ഒഴിവ്. പത്താം ക്ലാസ് യോഗ്യതയുള്ള ആർക്കും അപേക്ഷിക്കാവുന്നതാണ്. ടെക്നിക്കൽ ട്രേഡ് ടെസ്റ്റും ഫിസിക്കൽ ടെസ്റ്റും നടത്തി യോഗ്യത നേടുന്ന ഉദ്യോഗാർത്ഥികളെയാകും എഴുത്തു പരീക്ഷയ്ക്ക് അനുവദിക്കുക. മെറിറ്റിന്റെ അടിസ്ഥാനത്തിലായിരിക്കും നിയമനം. താൽപര്യമുള്ളവർക്ക് ഫെബ്രുവരി രണ്ട് വരെ അപേക്ഷിക്കാവുന്നതാണ്.
കുക്ക്- 3, സിവിലിയൻ കാറ്ററിംഗ് ഇൻസ്ട്രക്ടർ- 3, എം.ടി.എസ്- 2, ട്രേഡ്സ്മാൻ മേറ്റ്- 8, വെഹിക്കിൾ മെക്കാനിക്- 1, സിവിലിയൻ മോട്ടോർ ഡ്രൈവർ-9, ക്ലീനർ-4, ലീഡിംഗ് ഫയർമാൻ- 1, ഫയർമൻ- 30, ഫയർ എഞ്ചിൻ ഡ്രൈവർ- 10 എന്നിങ്ങനെയാണ് ഒഴിവുകൾ. ആകെയുള്ള ഒഴിവുകളിലേക്ക് ഇന്ത്യയൊട്ടാകെ നിയമനം നടക്കും.
കുക്ക്, സിവിലിയൻ കാറ്ററിംഗ് ഇൻസ്ട്രക്ടർ, എം.ടി.എസ്, ട്രേഡ്സ്മാൻ മേറ്റ്, വെഹിക്കിൾ മെക്കാനിക്, ക്ലീനർ, ഫയർമെൻ, ഫയർ എഞ്ചിൻ ഡ്രൈവർ എന്നീ തസ്തികകളിൽ 18-25 വയസാണ് പ്രായപരിധി. സിവിലയൻ മോട്ടോർ ഡ്രൈവർ വിഭാഗത്തിലേക്ക് 18-27 പ്രായപരിധിയിലുള്ളവർക്ക് അപേക്ഷിക്കാം.
The Presiding Officer, Civilian Direct Recruitment Board, CHQ, ASC Cetnre (South) – 2 ATC/ASC Cetnre (North)1 ATC ,Agram Post, Bangalore 07 എന്ന വിലാസത്തിൽ തപാൽ ആയാണ് അപേക്ഷ സമർപ്പിക്കേണ്ടത്. കൂടുതൽ വിവരങ്ങൾക്ക് https://indianarmy.nic.in/ സന്ദർശിക്കുക.
