മലൈക്കോട്ടൈ വാലിബനിലെ ട്രെയിലറിൽ പ്രധാന ഭാഗങ്ങളൊന്നും കാണിച്ചിട്ടില്ലെന്ന് മോഹൻലാൽ. സിനിമയെക്കുറിച്ചുളള ഈ രഹസ്യം ആദ്യമായിട്ടാണ് താരം തുറന്ന് പറഞ്ഞിരിക്കുന്നത്. പുതിയ ചിത്രത്തിന്റെ പ്രമോഷനുമായി ബന്ധപ്പെട്ട അഭിമുഖത്തിനിടയിലായിരുന്നു ഇക്കാര്യങ്ങൾ പറഞ്ഞത്.
‘ട്രെയിലറിൽ സാധാരണ ഒരു സിനിമയുടെ ഏറ്റവും പ്രധാനപ്പെട്ട ഭാഗങ്ങളാണ് വരുന്നത്. പക്ഷെ, ഈ ട്രെയിലറിൽ ഒരു ഭാഗവും കാണിച്ചട്ടില്ല. നിങ്ങൾ കണ്ടതെല്ലാം പൊയ്. ഇനി കാണാൻ പോകുന്നതാണ് നിജം.’- മോഹൻലാൽ പറഞ്ഞു.
ജനുവരി 25-നാണ് ചിത്രം തീയേറ്ററുകളിലെത്തുന്നത്. രണ്ടു മണിക്കൂർ ഏഴ് മിനിറ്റാണ് മലൈക്കോട്ടൈ വാലിബന്റെ ദൈർഘ്യം. ഒരു യോദ്ധാവായാണ് മോഹൻലാൽ പ്രത്യക്ഷപ്പെടുന്നത്. ഒരു നാടോടിക്കഥ പോല പറഞ്ഞു പോകുന്ന ചിത്രം മലയാള സിനിമ ഇന്ന് വരെ കണ്ടിട്ടില്ലാത്ത തരത്തിലുള്ളതായിരിക്കും എന്ന മോഹൻലാലിന്റെ വാക്കുകൾക്ക് കരുത്ത് പകരുന്നതാണ് ട്രെയിലർ. ഇന്ത്യൻ സിനിമയിൽ ഇന്ന് വരെ ഉണ്ടായിട്ടില്ലാത്ത വലിയൊരു കാൻവാസിൽ ചെയ്തിരിക്കുന്ന സിനിമയെന്ന് ട്രെയിലർ ഉറപ്പ് നൽകുന്നു.