ഗാന്ധിനഗർ: പ്രാണ പ്രതിഷ്ഠാ ചടങ്ങിന് ഇനി ഒരു നാൾ കൂടി ബാക്കി. ചടങ്ങിനു ശേഷം ക്ഷേത്രം തുറക്കുന്നതിനു വേണ്ടി കാത്തിരിക്കുകയാണ് ഓരോ ഭക്തനും. പ്രാണ പ്രതിഷ്ഠാ ചടങ്ങിന് മുന്നോടിയായി രാജ്യത്തിന്റെയും ലോകത്തിന്റെയും വിവിധ കോണുകളിൽ നിന്നും നിരവധി സമ്മാനങ്ങളാണ് ഭക്തർ രാമനഗരിയിലേക്ക് അയക്കുന്നത്. വജ്രങ്ങളുടെ നാടായ സൂറത്തും അയോദ്ധ്യയിലേക്ക് സമ്മാനങ്ങൾ അയക്കുന്നതിന്റെ തിരക്കിലാണ്.
വജ്രങ്ങൾ പതിപ്പിച്ച രാമക്ഷേത്രത്തിന്റെ രൂപത്തിലുള്ള ഒരു ചുമർ ഫ്രെയിമാണ് സൂറത്തിൽ നിന്നുള്ള കലാകാരൻ തയ്യാറാക്കിയിരിക്കുന്നത്. 9,999 വജ്രങ്ങൾ പതിപ്പിച്ചാണ് രാമക്ഷേത്രത്തിന്റെ പ്രതിരൂപം അദ്ദേഹം ഒരു കറുത്ത ഷീറ്റിൽ തയ്യാക്കിയെടുത്തത്. ചിത്രത്തിനു മുകളിലായി ശ്രീരാമചന്ദ്രനെയും വജ്രങ്ങൾ പതിപ്പിച്ച ജയ് ശ്രീ റാം എന്ന വാചകവും കാണാം.
#WATCH | Gujarat: An artist from Surat created artwork of Ayodhya’s Ram temple, using 9,999 diamonds. (20.01) pic.twitter.com/kSRte0uhsA
— ANI (@ANI) January 20, 2024
സൂറത്തിൽ നിന്നും ശ്രീരാമചന്ദ്രനും സീതാദേവിക്കുമായുള്ള ഉടയാടകളും നെയ്ത്തുക്കാർ നിർമ്മിച്ചിരുന്നു. ശ്രീരാമന്റെയും സീതാദേവിയുടെയും രാമക്ഷേത്രത്തിന്റെയും ചിത്രങ്ങൾ സാരിയിൽ നെയ്തെടുത്തിട്ടുണ്ട്. 5,000 അമേരിക്കൻ വജ്രങ്ങളും, രണ്ട് കിലോഗ്രാം വെള്ളിയും ചേർത്ത് നിർമ്മിച്ചെടുത്ത നെക്ലേസും സൂറത്തിന്റെ മണ്ണിൽ നിന്നും അയോദ്ധ്യയിൽ എത്തിച്ചിട്ടുണ്ടായിരുന്നു.
