അയോദ്ധ്യാപതിക്ക് കിരീടവും അം​ഗവസ്ത്രവും; പ്രധാനസേവകൻ രാമമന്ദിരത്തിൽ

രാമക്ഷേത്ര പ്രാണ പ്രതിഷ്ഠാ ചടങ്ങിൽ പങ്കെടുക്കാൻ പ്രധാനസേവകൻ അയോദ്ധ്യ രാമക്ഷേത്രത്തിൽ. കീരിടവും അം​ഗവസ്ത്രവുമായാണ് അദ്ദേഹം എത്തിയത്.

#WATCH | Prime Minister Narendra Modi at the Shri Ram Janmaboomi Temple in Ayodhya to participate in the Ram Temple Pran Pratishtha ceremony pic.twitter.com/yq6VLcFyCe

— ANI (@ANI) January 22, 2024

സ്വർണ്ണ നിറത്തിലുള്ള കുർത്തയും വെള്ള നിറത്തിലുള്ള ധോത്തിയും ധരിച്ചാണ് പ്രധാനമന്ത്രിയെത്തിയത്.

ആർഎസ്എസ് സർസംഘചാലക് ഡോ. മോഹൻ ഭാഗവതും അദ്ദേഹത്തിനൊപ്പം ചടങ്ങുകളിൽ സംബന്ധിച്ചു.

പുലർച്ചെ മുതൽ ആഘോഷ തിമിർപ്പിലാണ് അയോദ്ധ്യാപുരി. പൂക്കൾ കൊണ്ട് അലങ്കരിച്ച വീഥിയിലൂടെയാണ് പ്രധാന സേവകനെത്തിയത്.

ക്ഷേത്രത്തിലെ പ്രാണ പ്രതിഷ്ഠ ചടങ്ങുകൾ ഇന്ന് 12.20 മുതൽ നടക്കും. പ്രധാനമന്ത്രിയുടെ അദ്ധ്യക്ഷതയിൽ‌ രാംലല്ല വി​ഗ്രഹം രാമക്ഷേത്രത്തിന്റെ ശ്രീകോവിലിൽ പ്രതിഷ്ഠിക്കും.

ഉച്ചയ്‌ക്ക് 12:29:8 മുതൽ 12:30: 32 നാഴിക വരെയുള്ള പവിത്രമായ അഭിജിത്ത് മുഹൂർത്തത്തിലാകും രാംലല്ലയുടെ പ്രാണപ്രതിഷ്ഠ ചടങ്ങ് നടക്കുന്നത്.