96-ാമത് ഓസ്കർ നോമിനേഷൻ പ്രഖ്യാപിച്ചു. ഇന്ത്യൻ സമയം രാത്രി 7 മണിയോടെയാണ് പ്രഖ്യാപനം നടത്തിയത്. അഭിനേതാക്കളായ സാസി ബീറ്റ്‌സും ജാക്ക് ക്വെയ്‌ഡും ചേര്‍ന്നാണ് ഈ വര്‍ഷത്തെ നോമിനേഷന്‍ പട്ടിക പ്രഖ്യാപിച്ചത്. 13 നോമിനേഷനുകളുമായി ക്രിസ്റ്റഫർ നോളന്റെ ഓപ്പൻ ഹെയ്മറാണ് ഏറ്റവും മുന്നിൽ നിൽക്കുന്നത്. 11 നോമിനേഷനുകളുമായി പുവർ തിംഗ്സും ആറു നോമിനേഷനുകളുമായി ബാർബിയുമാണ് തൊട്ട് പുറകിലുള്ളത്.
മികച്ച സഹനടൻ, വസ്ത്രാലങ്കാരം, മികച്ച സഹനടി, ഒറിജിനൽ ഗാനം, പ്രൊഡക്ഷൻ ഡിസൈൻ, മികച്ച ചിത്രം തുടങ്ങിയ വിഭാഗങ്ങളിലാണ് ബാർബിയെ നോമിനേറ്റ് ചെയ്തത്. മികച്ച സഹനടൻ, വസ്ത്രാലങ്കാരം, മികച്ച സഹനടി, മേക്കപ്പ് ഹെയർസ്റ്റൈലിംഗ്, അഡാപ്റ്റഡ് തിരക്കഥ, ഒറിജിനൽ സ്കോർ, പ്രൊഡക്ഷൻ ഡിസൈൻ, ഫിലിം എഡിറ്റിംഗ്, സൗണ്ട്, ഛായാഗ്രഹണം, സംവിധാനം, നടന്‍, മികച്ച ചിത്രം തുടങ്ങി 13 വിഭാഗങ്ങളിൽ ഓപ്പൺഹൈമർ നാമനിർദ്ദേശം ചെയ്യപ്പെട്ടു.
ഈ ചിത്രങ്ങൾ കൂടാതെ ഫ്രഞ്ച് ചിത്രമായ അനാറ്റമി ഓഫ് എ ഫാൾ, കില്ലേഴ്സ് ഓഫ് ദ് ഫ്ലവർ മൂൺ, ദ് സോൺ ഓഫ് ഇന്ററസ്റ്റ് എന്നിവയാണ് പ്രധാന വിഭാഗങ്ങളിൽ നോമിനേഷനുകളിൽ ശ്രദ്ധയാകർഷിച്ചത്. മാർച്ച് 10 ന് ലോസ് ഏഞ്ചൽസിലാണ് ഓസ്കർ പുരസ്കാര ചടങ്ങ് നടക്കുന്നത്.
