ക്ലാസും മാസും ചേർന്ന ദൃശ്യാനുഭവമാണ് ലിജോ ജോസ് പെല്ലിശ്ശേരിയുടെ മലൈക്കോട്ടൈ വാലിബൻ. തത്വചിന്തയിലൂടെ പ്രേക്ഷകരെ ചിന്തിപ്പിക്കാനായിരുന്നു ലിജോ ശ്രമിച്ചത്. ത്രസിപ്പിക്കുന്ന കാഴ്ചകൾ കാണികൾക്ക് നൽകി കൊണ്ട് സിനിമ അവസാനിക്കുമ്പോൾ വലിയൊരു സൂചനയും കൂടി ലിജോ നൽകുന്നുണ്ട്.
മലൈക്കോട്ടൈ വാലിബന്റെ രണ്ടാം ഭാഗത്തെക്കുറിച്ചാണ് അവസാനം പറയുന്നത്. സിനിമ രണ്ട് ഭാഗങ്ങളിലായാണ് എത്തുന്നതെന്ന് നേരത്തെ റിപ്പോർട്ടുകളുണ്ടായിരുന്നു. ‘റംബാന്’ എന്ന ചിത്രത്തിന് ശേഷം മോഹന്ലാല് വീണ്ടും ലിജോയുമായി കൈ കോര്ക്കുമെന്നായിരുന്നു വാർത്ത. അത് ഉറപ്പിക്കുന്ന തരത്തിലാണ് രണ്ടാം ഭാഗത്തിന്റെ സൂചന നൽകിയിരിക്കുന്നത്.
എൽജെപിയുടെ മാജിക്കാണ് മലൈക്കോട്ടൈ വാലിബനെന്നാണ് പ്രേക്ഷക പ്രതികരണങ്ങൾ. സാങ്കേതിക മികവുകൊണ്ടും ബിജിഎം കൊണ്ടും വാലിബന് പ്രേക്ഷക ഹൃദയങ്ങളിൽ ഇടം നേടാൻ കഴിഞ്ഞു. മോഹൻലാലിന്റെ കഥാപാത്രത്തിന് വളരെ മികച്ച അഭിപ്രായമാണ് ലഭിക്കുന്നത്.
