ഐഎസ്ആർഒയുടെ യൂണിറ്റായ നാഷണൽ റിമോട്ട് സെൻസിംഗ് സെന്ററിൽ വിവിധ തസ്തികകളിൽ ഒഴിവുകൾ. എൻആർഎസ്സി-എർത്ത് സ്റ്റേഷൻ, ഷാദ്നഗർ കാമ്പസ്, തെലങ്കാനയിലെ രംഗറെഡ്ഡി ജില്ല, എൻ ആർ എസ് സി, ബാലാനഗർ, ഹൈദരാബാദ്, റീജിയണൽ റിമോട്ട് സെൻസിംഗ് സെന്റർ-സെൻട്രൽ (നാഗ്പൂർ), റീജിയണൽ റിമോട്ട് സെൻസിംഗ് സെന്റർ-നോർത്ത് (ന്യൂഡൽഹി) ,റീജിയണൽ റിമോട്ട് സെൻസിംഗ് സെന്റർ-ഈസ്റ്റ് (കൊൽക്കത്ത), റീജിയണൽ റിമോട്ട് സെൻസിംഗ് സെന്റർ-വെസ്റ്റ് (ജോധ്പൂർ), റീജിയണൽ റിമോട്ട് സെൻസിംഗ് സെന്റർ-സൗത്ത് (ബെംഗളൂരു) എന്നിവിടങ്ങളിലേക്കാണ് നിയമനത്തിനുള്ള അപേക്ഷ ക്ഷണിച്ചിട്ടുള്ളത്.
41 ഒഴിവുകളിലേക്ക് അപേക്ഷ ക്ഷണിച്ചിരിക്കുന്നത്. ഇവയിൽ 35 ഒഴിവുകൾ സയന്റിസ്റ്റ്-എഞ്ചിനീയറിംഗ് തസ്തികകളിലേക്കാണ്. മെഡിക്കൽ ഓഫീസർ-1, നഴ്സ്-2, ലൈബ്രററി അസിസ്റ്റ്- 3 എന്നിങ്ങനെയാണ് മറ്റ് ഒഴിവുകൾ.18-നും 35-നും ഇടയിൽ പ്രായമുള്ള ഉദ്യോഗാർത്ഥികൾക്കാണ് അപേക്ഷിക്കാൻ അവസരം. ഫെബ്രുവരി 12-ന് മുമ്പ് അപേക്ഷ സമർപ്പിക്കണം. സയന്റിസ്റ്റ്-എഞ്ചിനീയറിംഗ് തസ്തികയിൽ 56,100-1,77,500 രൂപയാണ് പ്രതിമാസ ശമ്പളം. മെഡിക്കൽ ഓഫീസർ തസ്തികയിൽ 56,100-1,77,500 രൂപയാണ് ശമ്പളം. നഴ്സ്-44,900 – 1,42,400, ലൈബ്രററി അസിസ്റ്റ്- 44,900 – 1,42,400 എന്നിങ്ങനെയാണ് മറ്റ് തസ്തികകളിലെ ശമ്പളം.
അപേക്ഷിക്കേണ്ടത്…
- www.nrsc.gov.in എന്ന ഔദ്യോഗിക വെബ്സൈറ്റിൽ പ്രവേശിക്കുക
- ഹോംപേജിൽ റിക്രൂട്ട്മെന്റ് ലിങ്ക് എന്ന ഓപ്ഷൻ തിരഞ്ഞെടുക്കുക
- ‘അപ്ലൈ ലിങ്ക്’ൽ ക്ലിക്ക് ചെയ്യുക അപേക്ഷാ ഫോം പൂരിപ്പിക്കുക
- ആവശ്യമായ എല്ലാ രേഖകളും അപ്ലോഡ്
ചെയ്യുക - ഫോം സമർപ്പിച്ച് റെക്കോർഡുകൾക്കായി ഒരു പ്രിന്റ് പകർപ്പ് കൈവശം വയ്ക്കുക
