നടനും അവതാരകനുമായ ഗോവിന്ദ് പത്മസൂര്യയും ടെലിവിഷൻ താരം ഗോപിക അനിലും വിവാഹിതരായി. തൃശൂർ വടക്കുംനാഥ ക്ഷേത്രത്തിൽ ഇന്ന് രാവിലെയായിരുന്നു വിവാഹം. ചടങ്ങിൽ അടുത്ത ബന്ധുക്കളുൾ മാത്രമാണ് പങ്കെടുത്തത്.
ഒരാഴ്ചയായി വിവാഹ ഒരുക്കത്തിലാണ് ജിപിയും ഗോപികയും ഇത് സംബന്ധിച്ചുള്ള ഓരോ വീഡിയോയും ചിത്രങ്ങളും ഇരുവരും സമൂഹമാദ്ധ്യമങ്ങളിലൂടെ പപങ്കുവയ്ക്കാറുണ്ടായിരുന്നു.
ഹൽദി ആഘോഷത്തിന്റെയും വിവാഹത്തിന് മുന്നോടിയായി നടന്ന സത്ക്കാരത്തിന്റെയും ചിത്രങ്ങളും വീഡിയോയും കഴിഞ്ഞ ദിവസങ്ങളിൽ പങ്കുവച്ചിരുന്നു.
മലയാളികളുടെ പ്രിയതാരങ്ങളായ മിയ, പൂജിത, ഷഫ്ന, കുക്കു, ജീവ തുടങ്ങി നിരവധി താരങ്ങൾ ആഘോഷങ്ങളിൽ പങ്കെടുത്തിരുന്നു.
വിവാഹത്തിന്റെ ആഘോഷങ്ങൾ ആദ്യം ആരംഭിച്ചത് ഗോപികയായിരുന്നു. കഴിഞ്ഞ വർഷം ഒക്ടോബര് 23നാണ് വിവാഹ നിശ്ചയ ഫോട്ടോകള് പങ്കുവെച്ച് ജിപിയും ഗോപികയും വിവാഹവാർത്ത പുറത്തുവിട്ടത്.
