ന്യൂഡൽഹി: ഭാരത്തിലെ ജനങ്ങൾക്ക് ഇന്ന് വളരെ എളുപ്പത്തിൽ നീതി ലഭ്യമാകുന്നുണ്ടെന്ന് പ്രധാനമന്ത്രി നരേന്ദ്രമോദി. ജനങ്ങളുടെ പ്രശ്നങ്ങൾ പരിഹരിക്കുന്നതിനായി പ്രാഥമിക അവസരങ്ങൾ ഒരുക്കുന്നത് സുപ്രീം കോടതി പ്രധാന പങ്കുവഹിക്കുന്നുവെന്നും അദ്ദേഹം അറിയിച്ചു. സുപ്രീം കോടതിയുടെ 75-ാമത് വാർഷികാഘോഷ പരിപാടികളിൽ സംസാരിക്കുകയായിരുന്നു അദ്ദേഹം.
”ഭാരതം അതിവേഗം വികസിച്ചുകൊണ്ടിരിക്കുന്ന സാഹചര്യത്തിൽ ഇന്ന് ലോകം ഉറ്റുനോക്കുന്നത് ഇന്ത്യയിലെ മാറ്റങ്ങളിലേക്കാണ്. അതിനാൽ തന്നെ ഭാരത്തിനോടുള്ള ലോകത്തിന്റെ വിശ്വാസവും വർദ്ധിച്ചു വരികയാണ്. ഈ അവസരത്തിൽ ഭാരത്തിനു ലഭിക്കേണ്ട ഓരോ അവസരങ്ങളും നാം പ്രയോജനപ്പെടുത്തേണ്ടതുണ്ട്. ഇന്ന് ഇന്ത്യയിലെ ജനങ്ങൾക്ക് വളരെ എളുപ്പത്തിൽ നീതി ലഭിക്കുന്നു. നീതി നടപ്പിലാക്കുന്നതിനായി സുപ്രീം കോടതി പ്രധാന പങ്കുവഹിക്കുന്നു. ഭാരതത്തിലെ മുഴുവൻ നീതി ന്യായ വ്യവസ്ഥയും സുപ്രീം കോടതി നൽകുന്ന നിർദ്ദേശങ്ങളെ അടിസ്ഥാനപ്പെടുത്തിയിരിക്കുന്നു. സുപ്രീം കോടതിയുടെ മൂന്നാം ഘട്ട ഇ- കോർട്ട് മിഷനായി രണ്ടാം ഘട്ടത്തിനെക്കാൾ നാലിരട്ടി പണം കേന്ദ്രസർക്കാർ അനുവദിച്ചിട്ടുണ്ട്”- പ്രധാനമന്ത്രി പറഞ്ഞു.
#WATCH | PM Narendra Modi says, “…Today the eyes of the whole world are on India and the world’s trust in India is increasing. Today it is important for India to take advantage of every opportunity…Indian citizens are entitled to easy access to justice. And the Supreme Court… pic.twitter.com/t8qnyTWcOC
— ANI (@ANI) January 28, 2024
സുപ്രീം കോടതിയുടെ 75-ാം വാർഷികാഘോഷ പരിപാടികൾ ഇന്ന് ഉച്ചയോടു കൂടിയാണ് പ്രധാനമന്ത്രി നരേന്ദ്രമോദി ഉദ്ഘാടനം ചെയ്തത്. സുപ്രീം കോടതിയെ ഘട്ടം ഘട്ടമായി ഡിജിറ്റൽ വത്കരിക്കുന്നതിന്റെ ഭാഗമായി ഡിജിറ്റൽ കോടതി 2.0, സുപ്രീം കോടതിയുടെ പുതിയ വെബ്സൈറ്റ്, സാങ്കേതിക വിവരങ്ങൾ ഉൾപ്പെടുന്ന സുപ്രീം കോടതിയുടെ റിപ്പോർട്ടുകൾ തുടങ്ങിയവ പ്രധാനമന്ത്രി ഉദ്ഘാടനം ചെയ്തു. ഡിജിറ്റൽ സുപ്രീം കോടതി റിപ്പോർട്ടുകളിലൂടെ സുപ്രീം കോടതി വിധികൾ രാജ്യത്തിലെ ജനങ്ങങ്ങൾക്ക് സൗജന്യമായി ഡിജിറ്റൽ ഫോർമാറ്റിൽ ലഭിക്കുന്നതിനും സഹായിക്കുന്നു.