ശരിയായ മാർഗത്തിലൂടെ വളരെ പെട്ടന്ന് പണം സമ്പാദിക്കാൻ ആഗ്രഹിക്കാത്തവരായി ആരാണ് ഉള്ളത് അല്ലേ? ഇതിനായി ലോട്ടറികൾ എടുത്തെടുത്ത് മടുത്തവരുമുണ്ടാകും നമ്മുടെ കൂട്ടത്തിൽ. എന്നാൽ ഇനി വിഷമിക്കേണ്ട. മാസം 5000 രൂപ വരെ നിക്ഷേപിക്കാനുണ്ടെങ്കിൽ നിങ്ങൾക്കുമാകാം കോടീശ്വരൻ. അതിനു സഹായിക്കുന്ന ചില സ്കീമുകൾ പരിചയപ്പെടാം..
പബ്ലിക് പ്രൊവിഡന്റ് ഫണ്ട്
ചെറുകിട സമ്പാദ്യശീലം വർദ്ധിപ്പിക്കുന്നതിനായി കേന്ദ്ര സർക്കാർ വാഗ്ദാനം ചെയ്യുന്ന പദ്ധതിയാണ് പബ്ലിക് പ്രൊവിഡന്റ് സ്കീം. ഒരു PPF അക്കൗണ്ട് തുറന്നു കഴിഞ്ഞാൽ നിങ്ങൾക്ക് മാസം 500 രൂപ മുതൽ നിക്ഷേപിക്കാം. 20 വയസുള്ള ഒരാൾ 5000 രൂപ വരെ ഇത്തരത്തിൽ നിക്ഷേപിക്കുകയാണെങ്കിൽ 6.5 ശതമാനം പലിശയിലൂടെ 10 വർഷം കൊണ്ട് അയാൾക്ക് 11 ലക്ഷം വരെ സമ്പാദിക്കാൻ കഴിയുന്നു. ഇത്തരത്തിൽ 40 വർഷം കൊണ്ട് ഒരു കോടി രൂപയോളം സമ്പാദിക്കാൻ സാധിക്കും.
സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ
മ്യൂച്ചൽ ഫണ്ട് നിക്ഷേപങ്ങൾ നടത്താനുള്ള ഒരു മാർഗമാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ ( എസ് ഐ പി). പണം തവണകളായി അടയ്ക്കാൻ ഇതിലൂടെ സാധിക്കുന്നു. ഓഹരി വിപണിയിലുണ്ടാകുന്ന കയറ്റിറക്കങ്ങളിൽ ആശങ്കപ്പെടാതെ ഷെയർ മാർക്കറ്റിന്റെ ഉയർച്ചയിലും താഴ്ചയിലും ഒരുപോലെ ലാഭമുണ്ടാക്കാൻ നിക്ഷേപകന് സാധിക്കുന്നു.
നിക്ഷേപകാലയളവ് കൂടുന്നതിനനുസരിച്ച് വരുമാനവും ഇതിലൂടെ കൂടുന്നു. അതായത് വലിയ തുകയ്ക്കുള്ള എസ്ഐപികൾ കുറച്ചു കാലത്തേക്ക് തുടരുന്നതിനേക്കാൾ പ്രയോജനകരമാണ് ചെറിയ തുകകൾ ദീർഘകാലത്തേക്ക് എസ്ഐപിയായി നിക്ഷേപിക്കുന്നത്. സീറോ ബാലൻസിൽ വേണമെങ്കിലും എസ് ഐ പികൾ തുടങ്ങാവുന്നതാണ്. അനുയോജ്യമായ സ്കീം തിരഞ്ഞെടുത്തു അതിൽ മാസം തോറും 500 രൂപയോ 1000 രൂപയോ വേണമെങ്കിലും നിക്ഷേപിക്കാം. ഇത് എപ്പോൾ വേണമെങ്കിലും നിർത്താനും പണം തിരികെയെടുക്കാനും സാധിക്കും.