ലിജോ ജോസ് പെല്ലിശ്ശേരിയുടെ സംവിധാനത്തിലിറങ്ങിയ മലൈക്കോട്ടൈ വാലിബൻ തിയേറ്ററിലെത്തിയിട്ട് ഒരാഴ്ചയോട് അടുക്കുകയാണ്. ആഗോള ബോക്സോഫീസിൽ ചിത്രം എത്ര നേടിയെന്ന റിപ്പോർട്ടാണ് ഇപ്പോൾ പുറത്ത് വരുന്നത്. 24.02 കോടിയാണ് 5 ദിവസം കൊണ്ട് ചിത്രം നേടിയത്. ബോക്സോഫീസ് അനലിസ്റ്റുകളാണ് ഈ റിപ്പോർട്ട് പുറത്ത് വിട്ടിരിക്കുന്നത്.
ജനുവരി 25-നായിരുന്നു ചിത്രം തിയേറ്ററുകളിലെത്തിയത്. ബോക്സ് ഓഫീസ് ട്രാക്കര്‍മാരുടെ കണക്കുകൾ അനുസരിച്ച് കേരളത്തില്‍ നിന്ന് ചിത്രം 11.02 കോടിക്കും 11.10 കോടിക്കുമിടയിലാണ് നേടിയിരിക്കുന്നത്. മോഹൻലാല്‍ സിനിമകളിൽ ഏറ്റവും മികച്ച നാലാമത്തെ വലിയ ഓപ്പണിംഗാണ് വാലിബൻ നേടിയിരിക്കുന്നത്.
മോഹന്‍ലാലിനൊപ്പം സൊണാലി കുല്‍ക്കര്‍ണി, മനോജ് മോസസ്, കഥ നന്ദി, ഡാനിഷ് സേഠ്, മണികണ്ഠന്‍ ആചാരി തുടങ്ങിയവർ പ്രധാനവേഷത്തിലെത്തിയ ചിത്രമായിരുന്നു മലൈക്കോട്ടൈ വാലിബൻ. നിരവധി ദേശങ്ങളിലെത്തി മല്ലന്മാരെ തോല്പിക്കുന്ന വാലിബന്റെ കഥയാണ് ചിത്രം പറയുന്നത്. പ്രണയം,വിരഹം,ചതി,ജയം ഇതെല്ലാം കൂടിച്ചേർന്ന കഥയാണ് മലൈക്കോട്ടൈ വാലിബൻ.
