ന്യൂഡൽഹി : വാരണാസിയിലെ ജ്ഞാൻവാപി കേസിൽ, ചരിത്രപരമായ വിധിയാണ് ഇന്ന് കോടതി പ്രഖ്യാപിച്ചത് . ജ്ഞാനവാപി സമുച്ചയത്തിലെ നിലവറയിൽ ആരാധന നടത്താനുള്ള അനുമതിയാണ് ഇന്ന് കോടതി നൽകിയത് .
ഇത് ഒരു വലിയ തീരുമാനമാണെന്നും ഈ തീരുമാനത്തിൽ ഞങ്ങൾ എല്ലാവരും വളരെ സന്തുഷ്ടരാണെന്നും വ്യാസ് കുടുംബത്തിലെ അശുതോഷ് വ്യാസ് പറഞ്ഞു.
1993 മുതൽ ഇവിടെ ആരാധന നിർത്തിയതായി അശുതോഷ് വ്യാസ് പറഞ്ഞു. മുലായം സിംഗ് സർക്കാരാണ് ഇവിടെ ആരാധന നിരോധിച്ചത് . ഇപ്പോഴിതാ 30 വർഷങ്ങൾക്ക് ശേഷം ആരാധനയ്‌ക്കുള്ള ഉത്തരവ് വന്നിരിക്കുന്നു.
അശുതോഷ് വ്യാസ് പറയുന്നതനുസരിച്ച്, ജ്ഞാനവാപി സമുച്ചയത്തിൽ ആകെ 10 നിലവറകളുണ്ട് , അതിൽ 2 എണ്ണം തുറന്നു. 30 വർഷം മുമ്പ് ഇവിടെ മൂന്ന് തവണ ശിവലിംഗ പ്രതിഷ്ഠ നടത്തിയിരുന്നതായി അശുതോഷ് വ്യാസ് പറഞ്ഞു. മംഗള ആരതിയോടെയാണ് ആരാധന ആരംഭിച്ചത്. കോംപ്ലക്‌സിനുള്ളിൽ നൂറിലധികം പേർക്ക് ആരാധന നടത്താം. അശുതോഷ് വ്യാസിന്റെ അഭിപ്രായത്തിൽ, നിലവറയിൽ നിരവധി ശിവലിംഗങ്ങളും തകർന്ന നന്ദി വിഗ്രഹങ്ങളും ഉണ്ട്. താൻ അതിനുള്ളിൽ പോകാറുണ്ടെന്നും അവിടെ തൂണുകളിൽ താമര, സ്വസ്തിക, ഓം രൂപങ്ങൾ തുടങ്ങിയ ഹിന്ദുക്കളുമായി ബന്ധപ്പെട്ട കാര്യങ്ങൾ കണ്ടിട്ടുണ്ടെന്നും അദ്ദേഹം പറഞ്ഞു.
ഇത് ഏറെ സന്തോഷം നൽകുന്ന കാര്യമാണെന്നും അശുതോഷ് വ്യാസ് പറഞ്ഞു. 30 വർഷങ്ങൾക്ക് ശേഷമാണ് ആ അവസരം വീണ്ടും വന്നിരിക്കുന്നത്. പണ്ട് നമ്മുടെ പൂർവികർ അവിടെ ആരാധന നടത്തിയിരുന്നു. ഇപ്പോൾ ഈ അവസരം ലഭിച്ചതിൽ ഞങ്ങൾക്ക് അതിയായ സന്തോഷമുണ്ട്.- അദ്ദേഹം പറഞ്ഞു.
ഏഴു ദിവസത്തിനകം പൂജ നടത്തിപ്പിന്റെ ചുമതല കാശി വിശ്വനാഥ ട്രസ്റ്റ് ഏറ്റെടുക്കും . ജ്ഞാൻവാപി വജൂഖാനയ്‌ക്ക് മുന്നിൽ ഇരിക്കുന്ന നന്ദി മഹാരാജിന് മുന്നിലെ ബാരിക്കേഡുകൾ നീക്കി റോഡ് തുറക്കും.
