സ്വന്തം ശരീരം വൃത്തിയായി സൂക്ഷിക്കേണ്ടത് ഓരോ വ്യക്തിയുടെയും കടമയാണ്. വേനൽക്കാലത്ത്, ആളുകൾ പലപ്പോഴും ദിവസത്തിൽ രണ്ടോ മൂന്നോ തവണ കുളിക്കാറുണ്ട് . എന്നാൽ കുളിക്കാത്തതിന് ആരെങ്കിലും നിങ്ങൾക്കെതിരെ കേസെടുത്താലോ ? അതെ, തുർക്കിയിലെ ഒരു സ്ത്രീയാണ് ഭർത്താവ് കുളിക്കാത്തതിനെ തുടർന്ന് വിവാഹമോചന കേസ് ഫയൽ ചെയ്തത്
ഭർത്താവ് ആഴ്ചയിൽ ഒന്നോ രണ്ടോ തവണ മാത്രമാണ് കുളിക്കുന്നത് . അതുകൊണ്ട് തന്നെ വിയപ്പ് നാറ്റം ഉണ്ടെന്നും യുവതി പരാതിയിൽ പറയുന്നു . വ്യക്തിപരമായ ശുചിത്വക്കുറവ് ചൂണ്ടിക്കാട്ടിയാണ് ഭർത്താവിനെതിരെ വിവാഹമോചനത്തിന് കേസ് ഫയൽ ചെയ്തതെന്ന് യുവതി മാദ്ധ്യമങ്ങളോട് പറഞ്ഞു. ഭർത്താവ് 5 ദിവസം തുടർച്ചയായി ഒരേ വസ്ത്രം ധരിക്കാറുണ്ടെന്നും അപൂർവ്വമായി മാത്രമാണ് കുളിക്കുന്നതെന്നും അതിനാലാണ് ശരീരവും വസ്ത്രങ്ങളും നിരന്തരം വിയർപ്പ് മണക്കുന്നതെന്നും യുവതിയുടെ അഭിഭാഷകൻ അങ്കാറയിലെ കോടതിയിൽ പറഞ്ഞു.
ഭർത്താവിനെതിരായ സ്ത്രീയുടെ അവകാശവാദങ്ങൾ ശരിവയ്ക്കാൻ ചില സാക്ഷികളെയും കോടതിയിൽ വിളിപ്പിച്ചു. അതിൽ ഭർത്താവിന്റെ ചില പരിചയക്കാരും അവരോടൊപ്പം ജോലി ചെയ്തിരുന്ന ചില സഹപ്രവർത്തകരും ഉൾപ്പെടുന്നു. തുടർന്ന് കോടതി സ്ത്രീക്ക് ഭർത്താവിൽ നിന്ന് വിവാഹമോചനം അനുവദിച്ചു, കൂടാതെ വ്യക്തിപരമായ ശുചിത്വമില്ലായ്മയുടെ പേരിൽ മുൻ ഭാര്യയെ ശിക്ഷിക്കരുതെന്ന് ഭർത്താവിനോട് ഉത്തരവിടുകയും ചെയ്തു.16,500 ഡോളർ അതായത് ഏകദേശം 13 ലക്ഷത്തോളം രൂപ നഷ്ടപരിഹാരമായി യുവതിയ്ക്ക് ലഭിക്കും .