വളരെ ആരോഗ്യദായകമായ ഭക്ഷണമാണ് ഗുർച്ചന. വടക്കേ ഇന്ത്യൻ പ്രദേശങ്ങളിലെ പരമ്പാരാഗത ഭക്ഷണമാണിത്. കടലയും ശർക്കരയും എള്ളും ചേർത്താണിത് ഉണ്ടാക്കുന്നത്. ഇതിൽ ധാരാളം പ്രോട്ടീൻ അടങ്ങിയിട്ടുണ്ടെന്ന് മാത്രമല്ല, അന്തരീക്ഷ മലിനീകരണത്തിൽ നിന്ന് പിടിപെടുന്ന രോഗങ്ങൾക്കെതിരെ ശക്തമായ പ്രതിരോധം തീർക്കുന്നു. വളരെ രുചികരമായ ഭക്ഷണം എന്നതിലുപരി ഏറെ ആരോഗ്യപ്രദമായ ഭക്ഷണമാണ് ഗുർച്ചന.
ധാരാളം പ്രോട്ടീൻ അടങ്ങിയിരിക്കുന്ന ഭക്ഷണമായതുകൊണ്ട് തന്നെ ഇത് വ്യായാമങ്ങൾക്കു മുന്നോടിയായി ഉപയോഗിക്കുന്നത് നല്ലതാണ്. ഊണിന് ശേഷം ഗുർച്ചന കഴിക്കുന്നതും ഗുണകരമാണെന്നാണ് വിദഗ്ധർ അഭിപ്രായപ്പെടുന്നത്.
ഗുർച്ചന ശീലമാക്കിയാലുള്ള ഗുണങ്ങൾ ഇതാണ്..
ത്വക്കിന്റെ ആരോഗ്യത്തിന്
ഗുർച്ചനയിൽ ധാരാളം ഗ്ലൈക്കോളിക് ആസിഡ് ഉള്ളതുകൊണ്ട് തന്നെ ശരീരത്തിൽ യുവത്വം നിലനിർത്തുന്നതിന് സഹായകരമാണ്. അതോടൊപ്പം ഇതിൽ ധാരാളം മഗ്നീഷ്യം അടങ്ങിയിട്ടുള്ളതുകൊണ്ട് തന്നെ ത്വക്കിലെ ചുളിവുകൾ കുറയ്ക്കാൻ സഹായകമാണ്.
ഇൻഫെക്ഷനിൽ നിന്നുള്ള സുരക്ഷ:
ഇതിൽ ധാരാളം സിങ്കും സെലനിയവും അടങ്ങിയിരിക്കുന്നു. അതുകൊണ്ട് തന്നെ ഫ്രീ റാഡിക്കിൾ ഇല്ലാതാക്കുന്നു. അതുകൊണ്ട് ഇത് ഇൻഫെക്ഷനുകളെ ശക്തമായി പ്രതിരോധിക്കാൻ സഹായിക്കുന്നു.
മാംസ പേശികളുടെ ആരോഗ്യം:
ധാരാളം പ്രോട്ടീൻ അടങ്ങിയ ആഹാരമായതുകൊണ്ട് തന്നെ പേശികളുടെ ആരോഗ്യത്തിന് വളരെയധികം ഗുണം ചംയ്യും.
പല്ലുകളുടെ ശോഷണം:
ഇതിൽ ധാരാളം ഫോസ്റസ് അടങ്ങിയതുകൊണ്ട് പല്ലുകളുടെ ആരോഗ്യം മെച്ചപ്പെടാൻ സഹായിക്കും.
ഗർഭിണികളായ സ്ത്രീകൾക്ക്
ഗുർച്ചനയിൽ വൈറ്റമിൻ ബി6, ബി9 എന്നിവയുടെ സാന്നിദ്ധ്യം ഉണ്ട്. അതുകൊണ്ട് ഗർഭിണികളായ വനിതകൾക്ക് ഏറെ ഗുണം ചെയ്യും.
തയ്യാറാക്കുന്ന വിധം:
ഒരു കപ്പ് ശർക്കര പാനിൽ എടുക്കുക. ശേഷം അത് നന്നായി അലിയുന്നത് വരെ പാൻ ചൂടാക്കുക. ശേഷം അതിൽ അര ഗ്ലാസ് കടല ചേർക്കുക. ശേഷം നന്നായി മിക്സ് ചെയ്യുക. അതോടൊപ്പം അൽപം എള്ള് ചേർക്കുക, നന്നായി മിക്സ് ചെയ്യുക. ശേഷം തണുക്കാൻ അനുവദിക്കുക. അതിനുശേഷം വായുകടക്കാത്ത ഒരു ഭരണിയിൽ സൂക്ഷിച്ച് ആവശ്യാനുസരണം എടുത്തു കഴിക്കുക.
