ന്യൂഡൽഹി: മുൻ പ്രധാനമന്ത്രി പി വി നരസിംഹ റാവുവിന് പരമോന്നത സിവിലിയൻ ബഹുമതിയായ ഭാരതരത്ന നൽകിയതിൽ പ്രധാനമന്ത്രി നരേന്ദ്രമോദിക്ക് നന്ദി അറിയിച്ച് കേന്ദ്ര ആഭ്യന്തര മന്ത്രി അമിത് ഷാ. മുൻ പ്രധാനമന്ത്രി പി വി നരസിംഹ റാവു, ഭാരതത്തിന് നൽകിയ സംഭാവനകൾക്കുള്ള ആദരവാണ് പ്രധാനമന്ത്രി നൽകുന്നതെന്നും അമിത് ഷാ കുറിച്ചു. സമൂഹ മാദ്ധ്യമമായ എക്സിലൂടെ അദ്ദേഹം പിവി നരസിംഹ റാവിനോടുള്ള ആദരവ് പ്രകടിപ്പിക്കുകയും പ്രധാനമന്ത്രിക്ക് നന്ദി അറിയിക്കുകയും ചെയ്തു.
”മുൻ പ്രധാനമന്ത്രി പി വി നരസിംഹ റാവു ഭാരതരത്ന നൽകുന്നതിൽ പ്രധാനമന്ത്രി നരേന്ദ്രമോദിക്ക് നന്ദി അറിയിക്കുന്നു. പ്രതിച്ഛായ, സാമർദ്ധ്യം, ഭരണനൈപുണ്യം എന്നിവയുടെ രാജ്യത്തിന്റെ ചരിത്രത്തിൽ ഇടം നേടാൻ മികച്ച ഭരണാധികാരിയായ അദ്ദേഹത്തിന് സാധിച്ചു. എല്ലാവരെയും ഉൾക്കൊള്ളുന്ന പുരോഗതിയുടെ യുഗത്തിലേക്കും നമ്മുടെ സമ്പദ്വ്യവസ്ഥയെ സുരക്ഷിതമായി എത്തിക്കുന്നതിലും പി വി നരസിംഹ റാവു ജി നൽകിയ സംഭാവനകൾ എന്നും ഓർമ്മിക്കപ്പെടും.
പി വി നരസിംഹ റാവു ജിയുടെ ബഹുമുഖ നേതൃത്വത്തെ നാം നോക്കികാണുമ്പോൾ, പ്രധാനമന്ത്രി നരേന്ദ്രമോദിയോടുള്ള നന്ദിയും ഞാൻ ഈ അവസരത്തിൽ അറിയിക്കുന്നു. രാഷ്ട്രീയ-ബൗദ്ധിക രംഗത്തെ അതികായനെ ഏറ്റവും അഭിമാനകരമായ പുരസ്കാരം നൽകി ആദരിക്കാനുള്ള പ്രധാനമന്ത്രിയുടെ തീരുമാനത്തെ അഭിനന്ദിക്കുന്നു.”- അമിത് ഷാ കുറിച്ചു.
Union Home Minister Amit Shah expresses his gratitude to Prime Minister Narendra Modi for conferring the Bharat Ratna on former Prime Minister PV Narasimha Rao. pic.twitter.com/MKHFOAz6TK
— ANI (@ANI) February 9, 2024
പിവി നരസിംഹ റാവുവിന് പുറമെ മുൻ പ്രധാനമന്ത്രി ചൗധരി ചരൺ സിംഗിനും ഹരിത വിപ്ലവത്തിന്റെ പിതാവും മലയാളിയുമായ എം.എസ്. സ്വാമിനാഥനുമാണ് രാജ്യത്തെ പരമോന്നത സിവിലിയൻ ബഹുമതിയായ ഭാരതരത്ന പ്രഖ്യാപിച്ചിരിക്കുന്നത്. മരണാനന്തര ബഹുമതിയായാണ് പുരസ്കാരങ്ങൾ പ്രഖ്യാപിച്ചത്. എം.ജി. ആറിന് ശേഷം ഭാരതരത്ന നേടുന്ന മലയാളി കൂടിയാണ് എം.എസ്. സ്വാമിനാഥൻ.