ബോളിവുഡ് സിനിമാ ലോകത്തെ അടുത്ത സുഹൃത്തുക്കളാണ് സൽമാൻ ഖാനും സുസ്മിത സെന്നും. ഇരുവരും ഒന്നിച്ച് നിരവധി സിനിമകളിലും അഭിനയിച്ചിട്ടുണ്ട്. ഇരുവരും ഒന്നിച്ചെത്തിയ ബീവി നമ്പര്‍ 1 സിനിമാ സെറ്റിലെ അനുഭവമാണ് സുസ്മിത ഇപ്പോൾ തുറന്ന് പറഞ്ഞിരിക്കുന്നത്. സൽമാനെക്കാൾ സുസ്മിതയ്‌ക്ക് പൊക്കം ഉണ്ട്. അതിനാൽ, ഹീൽസ് ഇടരുതെന്ന് പറഞ്ഞ അനുഭവമാണ് സുസ്മിത വെളിപ്പെടുത്തുന്നത്. ഒരു അഭിമുഖത്തിനിടയിലായിരുന്നു ഇക്കാര്യങ്ങൾ വെളിപ്പെടുത്തിയത്.
‘ബീവി നമ്പര്‍ 1 എന്ന ചിത്രത്തിന്റെ ഷൂട്ടിംഗിനിടയിലായിരുന്നു സംഭവം. ചിത്രത്തിന്റെ സംവിധായകൻ ഡേവിഡ് എന്നോട് ഹീൽസ് ധരിക്കരുതെന്ന് പറയുമായിരുന്നു. അതിനാൽ, ഞാൻ ഫ്ലാറ്റ് ചെരുപ്പുകളായിരുന്നു ധരിച്ചിരുന്നത്. എന്നാൽ, സൽമാൻ എന്നെ കാണുമ്പോൾ ചോദിക്കുമായിരുന്നു ഇത്രയും നല്ല ഡ്രസ് ധരിച്ചിട്ട് എന്തിനാണ് ഫ്ലാറ്റ് ചെരുപ്പിടുന്നതെന്ന്… സൽമാന് ഉയരം കുറവായതിനാൽ എനിക്ക് ഹീൽസ് ധരിക്കാൻ കഴിയില്ലെന്ന് മറുപടിയും പറഞ്ഞിരുന്നു.
എന്നിട്ട്, ചിരിച്ചുകൊണ്ട് എന്നോട് പറഞ്ഞത് നീ ഹീൽസ് ധരിച്ചോളൂ… എന്നാണ്. അദ്ദേഹത്തിന്റെ ആ വാക്കുകൾ എനിക്ക് ഒരുപാട് ഇഷ്ടമായി. സൽമാനെ കുറിച്ച് പറയുമ്പോൾ എപ്പോഴും എന്റെ മനസിൽ വരുന്ന ഓർമ അതാണ്.’- സുസ്മിത സെൻ പറഞ്ഞു.
